بيىل كوكتەمدە وسكەمەندەگى مەكتەپ جانە كوللەدج وقۋشىلارىنىڭ توبەلەسى قوعامدىق تالقىعا تۇسكەنى بەلگىلى. اسىرەسە, قالاداعى ساۋدا ۇيلەرىنىڭ بىرىندەگى اجەتحانادا كامەلەتتىك جاسقا تولماعان وقۋشىلار كوللەدج وقۋشىسىن سوققىعا جىققان, ونى بەينەكامەراعا تۇسىرگەن…
بۇگىن اتالعان ىسكە قاتىستى ءبىرىنشى سوت وتىرىسى ءوتتى. الايدا سۋديا ايىپتالۋشى تاراپتىڭ جانە پروكۋروردىڭ ۇسىنىسىمەن سوت جابىق تۇردە وتەدى دەگەن شەشىمگە كەلدى.
جابىرلەنۋشى قىزدىڭ اناسى مەن تۋعان-تۋىستارى عانا سوتتىڭ اشىق ءوتۋىن سۇرادى.
«قىزىمدى ۇرىپ, بەينەكامەراعا تۇسىرگەندە كامەلەتتىك جاسقا تولماعانىن ءبىلدى عوي. ونىڭ ۇستىنە, اياۋلىمنىڭ اتا-اناسىنان باسقاسى كەشىرىم سۇراپ كەلمەدى. كۇدىكتىلەر جازانىڭ ەڭ قاتاڭ ءتۇرىن السا ەكەن», دەيدى جابىرلەنۋشىنىڭ اناسى الميرا دوسىموۆا.
ايتقانداي, سوت بۇدان بىلاي جابىق وتەدى. پروكۋراتۋرا وكىلى تۇسىندىرگەندەي, سوت شەشىمى شىققان سوڭ ءىستىڭ بۇگە-شىگەسى رەسمي تۇردە حابارلانادى.