پاريجدە ءوتىپ جاتقان رولان گارروس تۋرنيرىندە ەلىمىزدىڭ بىردە-ءبىر تەننيسشىسى قالمادى.
باستى ءۇمىتىمىز ەلەنا رىباكينا ەدى. سوڭعى جىلدارى زور تابىسىمەن جانكۇيەرلەردى قۋانتىپ جۇرگەن جەرلەسىمىز العاشقى اينالىمداردا چەحيانىڭ قوس ويىنشىسى – برەندا فرۋحۆيرتوۆا مەن ليندا نوسكوۆانى جولىنان ىعىستىرىپ, ءۇشىنشى كەزەڭدە سارا سورريبەس-تورمومەن كۇش سىناسۋعا ءتيىس ەدى. ەلەنانىڭ يسپانيا تەننيسشىسىن ەش قينالماي ۇتاتىنىنا ەشكىمنىڭ كۇمانى بولمادى. ويتكەنى, رىباكينا الەمدىك رەيتينگتە قارسىلاسىنا قاراعاندا الدەقايدا جوعارى تۇر. جانە دە سورريبەس-تورمونىڭ قول جەتكىزگەن پالەندەي تابىستارى دا جوق. بىراق, ءدال سول كەزدەسۋدىڭ قارساڭىندا ەلىمىزدىڭ ءبىرىنشى راكەتكاسىنىڭ دەنساۋلىعى سىر بەرىپ, جارىستى جالعاستىرا المايتىنى بەلگىلى بولدى.
اتالعان تۋرنيردە الەكساندر بۋبليك ءبىرىنشى جانە يۋليا پۋتينتسەۆا ءۇشىنشى كەزەڭدە ءسۇرىندى. ال جۇپتىق سايىستاردا باق سىناعان وتانداستارىمىز – اننا دانيلينا مەن الەكساندر نەدوۆەسوۆ تە وتكەن اپتانىڭ سوڭىندا جارىس جولىنان شىعىپ قالدى.