ءفيليپپيننىڭ باس شاھارى – مانيلادا وتكەن ازيا چەمپيوناتىندا قازاقستاننىڭ كوركەم گيمناسشىلارى تابىستى ونەر كورسەتىپ جاتىر.
ەلىمىزدىڭ ەڭ ۇزدىك گيمناسشىسى ەلجانا تانيەۆا سايىستىڭ بارلىق ءتۇرى بويىنشا جۇلدەلى ورىندار يەلەنىپ, كورەرمەندەردىڭ قوشەمەتىنە بولەندى. ول «تاسپا» (30,80 ۇپاي) مەن «قۇرساۋ» (32,50 ۇپاي) جاتتىعۋلارىندا كۇمىس مەدال ەنشىلەسە, «ۇرشىق» (31,90 ۇپاي) پەن «دوپتا» (32,70) قولاعا قول سوزدى. سونىڭ الدىندا عانا ەلجانا جەكەلەگەن كوپسايىستا كۇمىسپەن كۇپتەلگەن ەدى. ول تەك وزبەكستاندىق تاحمينا يكروموۆادان قالىپ قويدى. وسى جارىستاعى وزگە بۇرىمدىلارىمىزدىڭ ناتيجەلەرى مىناداي: ايبوتا ەرتايقىزى («دوپ» – 4-ورىن, «تاسپا» – 5-ورىن) جانە ميلانا پارفيلوۆا («ۇرشىق» –5-ورىن).
سونىمەن قاتار, مانيلادا جاستار بۋىنى وكىلدەرى دە سايىسقا ءتۇسىپ جاتىر. بۇل باسەكەلەردە ايىم مەيىرجانوۆا ءبىر رەت التىننان («دوپ») القا تاعىپ, ەكى مارتە («تاسپا» مەن «ۇرشىق») كۇمىس مەدال ولجالادى.