توتەنشە جاعدايلار ءمينيسترىنىڭ بۇيرىعىمەن نىعمەتجان قويشىباي ۇلى ماقاجانوۆ زەينەت جاسىنا تولۋىنا بايلانىستى توتەنشە جاعدايلار مينيسترلىگى ونەركاسىپتىك قاۋىپسىزدىك كوميتەتىنىڭ توراعاسى قىزمەتىنەن بوساتىلدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
نىعمەتجان ماقاجانوۆ 1960 جىلى پاۆلودار وبلىسىندا دۇنيەگە كەلگەن.
پاۆلودار يندۋستريالىق ينستيتۋتىن, ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن, ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن.
ەڭبەك جولىن 1982 جىلى «كازگيپروكوممۋنستروي» گپي ينجەنەرى بولىپ باستاعان.
1989-1996 جج. – قازاقستاننىڭ لكجو ورتالىق كوميتەتى جانىنداعى جاستار تۇرعىن ءۇي كەشەندەرى ۇجىمدارى قاۋىمداستىعى ورتالىعىنىڭ ءبولىم مەڭگەرۋشىسى, توراعا ورىنباسارى.
1999 جىلدان 2001 جىلعا دەيىن «كاسىپورىنداردى قايتا قۇرۋ جانە جويۋ جونىندەگى اگەنتتىگى» ااق-دا باسشىلىق لاۋازىمداردا جۇمىس ىستەدى.
2001-2006 جج. – قر مەملەكەتتىك كىرىستەر مينيسترلىگى دارمەنسىز بورىشكەرلەرمەن جۇمىس جونىندەگى كوميتەت توراعاسىنىڭ ورىنباسارى, توراعاسى.
2006-2007 جج. – «كەگوك» اق ۆيتسە-پرەزيدەنتى.
2008-2012 جىلدارى قازاقستان رەسپۋبليكاسى جەر رەسۋرستارىن باسقارۋ اگەنتتىگى توراعاسىنىڭ ورىنباسارى قىزمەتىن اتقاردى.
2013-2014 جج. – قر يندۋستريا جانە جاڭا تەحنولوگيالار مينيسترلىگى مەملەكەتتىك ەنەرگەتيكالىق قاداعالاۋ مەن باقىلاۋ كوميتەتى توراعاسىنىڭ ورىنباسارى.
2014-2017 جج. – قر ينۆەستيتسيالار جانە دامۋ مينيسترلىگى كولىك كوميتەتى توراعاسىنىڭ ورىنباسارى
2017-2020 جج. قر يندۋستريا جانە ينفراقۇرىلىمدىق دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتى توراعاسىنىڭ ورىنباسارى بولىپ جۇمىس ىستەدى.
2020 جىلعى قاراشا ايىنان باستاپ قازىرگى ۋاقىتقا دەيىن قر توتەنشە جاعدايلار مينيسترلىگى ونەركاسىپتىك قاۋىپسىزدىك كوميتەتىنىڭ توراعاسى قىزمەتىن اتقاردى.