بۇرىن تەلەفون بايلانىسىندا تۇيتكىلدەر بولىپ تۇراتىن ەلىمىزدەگى بارلىق ەلدى مەكەندەر قازىر “قازاقتەلەكومنىڭ” ارقاسىندا مۇلتىكسىز قىزمەت ەتەتىن زاماناۋي تەحنولوگيالارعا قول جەتكىزە باستادى. ماسەلەن, بۇگىندە الماتى وبلىسىنىڭ 50 مىڭ ابونەنتى سىمسىز بايلانىس تۇرىمەن قامتاماسىز ەتىلگەن. بۇل WLL CDMA-450 جانە WLL CDMA-800 تەحنولوگياسى ارقىلى الماتى وبلىسىنىڭ تەلەكوممۋنيكاتسيا جەلىسىن جاڭعىرتۋ جانە دامىتۋ جونىندەگى سەرپىندى جوبا اياسىندا اتقارىلىپ جاتقان تىرلىكتەردىڭ ءبىر پاراسى عانا.
وسىناۋ جەتىستىكتەرگە باق وكىلدەرى تاياۋ كۇندەرى الماتى وبلىسى قاراساي اۋدانىنىڭ قىرعاۋىلدى اۋىلىندا وتكەن پرەسس-تۋردا كۋا بولدى. سوڭعى ءۇش جىل ىشىندە بۇل اۋداندا WLL CDMA 450-ءدىڭ 7 بازالىق ستانتسياسى, ال قاسكەلەڭ قالاسىندا WLL CDMA 800-ءدىڭ 1 بازالىق ستانتسياسى ورناتىلعان. وعان تولىعىمەن 6875 ابونەنت, ونىڭ ىشىندە قىرعاۋىلدى اۋىلىنان 988 ابونەنت قوسىلعان. ءمىنسىز قىزمەت كورسەتەتىن بايلانىس تەحنولوگيالارىنىڭ يگىلىگى تۇرعىنداردىڭ ومىرىنەن يگى كورىنىس تاۋىپ جاتقانى قۋانتادى. وسى اۋىلدىڭ ادامى گۇلنۇران ءشارىپوۆا:
– بايلانىس قىزمەتى وتە جاقسى جولعا قويىلعان. بالالارىمنىڭ ءوتىنىشىمەن ينتەرنەت جەلىسىن دە قوستىردىق. ەندى وزىمىزگە دە بالالارعا دا كەرەكتى كەز-كەلگەن ماتەريالدى ينتەرنەتتەن الىپ وتىرمىز”, – دەپ “قازاقتەلەكومعا” شىنايى العىسىن ءبىلدىردى.
– مەن جاڭا تەحنولوگيامەن تەلەفون ورناتىلىپ جاتقانىن ەستىپ, وسى جۇيە بويىنشا تەلەفون ورناتۋ ءۇشىن ءوتكەن جىلى اۋداندىق بايلانىس تورابىنا ءوتىنىش بەردىم. ماماندار دەرەۋ ورناتىپ بەردى. ساپاسى وتە جوعارى ەكەن. بۇرىن تەلەفونىمىزدىڭ سىمدارى ءجيى ءۇزىلىپ, كەيدە بايلانىسسىز قالاتىنبىز. ەندى قازىر وسى بايلانىسپەن الماتى, استانا, جامبىل جاقتاعى تۋىستارىممەن ەمىن-ەركىن سويلەسىپ ءجۇرمىن, – دەگەن ايتەي اۋىلىنىڭ تۇرعىنى ساتكۇل يۋسۋپوۆا دا ءسوزىنىڭ اياعىن العىسپەن اياقتادى.
حالىقتىڭ دا كوڭىلىنەن شىعاتىن, زامان تالابىنا دا ساي شارالار “30 كورپوراتيۆتى كوشباسشى مەملەكەتتىك باعدارلاماسىنىڭ شەڭبەرىندە اۋىلدىق ەلدى مەكەندەردى تەلەفونداندىرۋ تۋرالى ەلباسىنىڭ تاپسىرماسىنا جانە “قازاقتەلەكوم” كومپانياسىنىڭ “CDMA تەحنولوگياسىن پايدالانۋ ارقىلى اۋىلدىق تەلەكوممۋنيكاتسيالىق جەلىلەردى جاڭارتۋ مەن دامىتۋ” جوباسىنا سايكەس ءجۇرىپ جاتىر.
ءوز كەزەگىندە “قازاقتەلەكوم” اق تەحنيكالىق دامىتۋ جونىندەگى باسقارۋشى ديرەكتورى جەكسەمباي جامانبالانوۆ:
– بۇرىنعى تەحنولوگيالارعا قاراعاندا, CDMA سىمسىز تەحنولوگيا بولعاندىقتان, اۋىلدى جەرلەردىڭ مۇمكىنشىلىكتەرى كوبەيدى. ونىڭ ءۇستىنە بۇل تەحنولوگيا جىلدان جىلعا وزگەرىپ كەلەدى, ورلەۋ ءۇستىندە. ساپاسى دا ارتا بەرەدى دەپ ويلايمىن, – دەيدى.
ج.جامانبالانوۆ اتاپ وتكەندەي, بۇل جوبانىڭ ءورشىل سيپاتى, ياعني ۇسىنىلىپ وتىرعان WLL CDMA تەحنولوگياسى اۋىلدى جەرلەردە تولىق تەلەفونداندىرۋ ءماسەلەسىن بارىنشا جىلدام شەشۋگە نەگىزدەلگەن.
– اتالمىش تەحنولوگيا ەلدى مەكەندەر ءۇشىن شىعىنى جاعىنان بولسىن, جوبانى ىسكە اسىرۋ مەرزىمى, سونىمەن قاتار ونى پايدالانۋدىڭ كەلەشەگى جاعىنان بولسىن بارىنشا وڭتايلى, – دەيدى جەكسەمباي جامانبالانوۆ.
– CDMA (Code ءDىvىsىon ءMultىple Access) ستاندارتى ساندىق بولىپ تابىلادى. 450مگتس دياپازونىنداعى جيىلىك جولاعىن قولدانادى. CDMA-450 بازالىق ستانتسياسىنىڭ اۋىلدىق جەرلەردەگى قامتۋ ايماعى 25-35 شاقىرىمدى قۇرايدى. CDMA-800 قالالىق جەردە 10 شاقىرىمدى قامتيدى. CDMA-450 ستانتسياسى 900 ابونەنتكە دەيىن, ال CDMA-800 2000 ابونەنتكە دەيىن قىزمەت كورسەتە الادى, – دەدى.
ايتقانداي, الماتى وبلىسىنىڭ بايلانىسشىلارى CDMA-450 بازالىق ستانتسياسىنىڭ جابۋ اۋماعى 25-30 شاقىرىمعا ەسەپتەلگەنىنە قاراماستان, كەيبىر جەرلەردە سىمسىز بايلانىس 60-70 شاقىرىمعا دەيىن ۇستاپ تۇرعاندىعىن وسىدان ەكى جىل بۇرىن قۋانا مالىمدەگەنى ەسكە تۇسەدى.
وسى ارادا ايماقتاردى تەلەفونداندىرۋ 2008 جىلى اسا بەلسەندى ءجۇرگەنىن ايتا كەتۋگە بولار ەدى. سول جىلى الماتى وبلىستىق تەلەكوممۋنيكاتسيالار ديرەكتسياسى وبلىس اۋدانىنىڭ ەلدى مەكەندەرىن قامتيتىن 39 بازالىق ستانتسيا ورناتقانىن كەزىندە بايانداعان ەدىك.
بۇل باستاما وتكەن جىلى دا يگى جالعاسىن تاپقان. بۇل تۋرالى الماتى وتد باس ديرەكتورى جەكسەمباي مەيرامباەۆ مالىمدەپ:
– وتكەن جىلى الاكول, جامبىل, ىلە, قاراساي اۋداندارىندا, قاپشاعاي قالاسىندا WLL CDMA 450-ءدىڭ 11 بازالىق ستانتسياسى جانە تالعار, قاراساي اۋداندارىندا, قاپشاعاي قالاسىندا WLL CDMA 800-ءدىڭ 3 بازالىق ستانتسياسى ورناتىلدى, – دەپ اتاپ ءوتتى.
قىسقاسى, 2007 جىلدان بەرى جالپى الماتى وبلىسىندا سىمسىز راديوقاتىناۋ ارقىلى اۋىلدىق تەلەكومۋنيكاتسيا جەلىسىن دامىتۋ جانە جاڭعىرتۋ جوباسى ارقىلى وبلىستىڭ 75 پايىز اۋىلدىق ەلدى مەكەندەرىن قامتىعان CDMA-450 ستاندارتتى 50 بازالىق ستانتسيا جانە تالدىقورعان, قاپشاعاي, تالعار, قاسكەلەڭ قالالارىندا 6 مىڭ ابونەنتتى قامتىعان CDMA-800 ستاندارتتى 3 ستانتسيا پايدالانۋعا بەرىلگەن.
الداعى ۋاقىتتا دا حالىقتىڭ تەلەكوممۋنيكاتسيالىق قىزمەت ءتۇرلەرىنە دەگەن سۇرانىسىن قاناعاتتاندىرىپ, بايلانىس ساپاسىن جاقسارتىپ, پايدالانۋ شىعىندارىن ازايتۋ ماقساتىندا – WLL CDMA سىمسىز راديوقاتىناۋ جەلىسىنىڭ قولدانىستاعى سىيىمدىلىعىن كەڭەيتۋ مەن 21 جاڭا بازالىق ستانتسيا ورناتۋ كوزدەلىنىپ وتىر. CDMA سىمسىز بايلانىسىنىڭ قۇرال-جابدىقتارىن بايلانىستى حالىقارالىق ستاندارتتاۋ جونىندەگى ۇيىمى ءۇشىنشى بۋىننىڭ جەلىسىن قۇرۋداعى ەڭ بولاشاعى زور تەحنولوگيا رەتىندە ۇسىنادى.
CDMA تەحنولوگياسىن پايدالانا وتىرىپ, اۋىلداردى سىمسىز جەلىلەرگە جالعاۋ “قازاقتەلەكومنىڭ” وزىنە دە تيىمدى ەكەندىگىن ايتا كەتەلىك. بۇل تەحنولوگيا ءاربىر ابونەنتتىڭ ۇيىنە دەيىن سىم جالعاپ, باعانا ورناتپاي-اق بايلانىس جەلىسىنە جالعاۋعا مۇمكىندىك بەرىپ وتىر.
ايناش ەسالي.
الماتى وبلىسى, قاراساي اۋدانى.