جول قوزعالىسى قاۋىپسىزدىگىن ارتتىرۋ ءۇشىن جولشىلار رەسپۋبليكالىق ماڭىزى بار م-32 «سامارا-شىمكەنت» جانە ا-2 «الماتى-تاشكەنت-تەرمەز» اۆتوجولدارىنىڭ بىرقاتار ۋچاسكەسىندە, سونداي-اق كۇيىك جانە قورداي اسۋلارىندا 40 مىڭعا جۋىق ارنايى جارىقتى شاعىلىستىراتىن پلاستينالاردى ورناتتى. قاۋىپسىزدىكتى قامتاماسىز ەتەتىن ارنايى قوندىرعىلار تۇركىستان جانە جامبىل وبلىستارى اۋماعىندا ورناتىلدى, دەپ حابارلايدى Egemen.kz.
«قوندىرعىنىڭ باستى ارتىقشىلىعى — قاراما-قارسى باعىتتا كەلە جاتقان كولىكتەردىڭ شامدارى جۇرگىزۋشىلەرگە كەدەرگى كەلتىرمەيدى. بۇل اسىرەسە تۇنگى ۋاقىتتا قاۋىپسىز ءارى ىڭعايلى. قوندىرعى كوپجولاقتى جولدارعا عانا ورناتىلادى. الداعى ۋاقىتتا ءدال وسىنداي ارنايى جارىقتى شاعىلىستىراتىن ەكراندار كولىك قارقىنى جوعارى «الماتى-قورعاس» جانە ر-7 «بۋراباي اۋماعى» كۇرە جولدارىندا پايدا بولادى», دەپ اتاپ ءوتتى «قازاۆتوجول» ۇك اق رەسمي وكىلى ءلاززات ستامعازيەۆا.