وبلىس ورتالىعىنداعى قازاقستان رەسپۋبليكاسىنىڭ تۇڭعىش پرەزيدەنتى ن.نازارباەۆ اتىنداعى مادەنيەت جانە دەمالىس ساياباعىندا اقتوبە قالاسىنىڭ 145 جىلدىعىنا ارنالعان ون جەتىنشى ءداستۇرلى وبلىستىق جاستار مەن ستۋدەنتتەردىڭ «جاس داۋرەن-2014» فەستيۆالى وتكىزىلدى. وبلىس اكىمدىگىنىڭ قولداۋىمەن, وبلىستىق مادەنيەت, مۇراعاتتار جانە قۇجاتتاما باسقارماسى مەن وبلىستىق حالىق شىعارماشىلىعى ءۇيىنىڭ ۇيىمداستىرۋىمەن وتكىزىلىپ كەلە جاتقان «جاس داۋرەن» فەستيۆالى – ءاربىر جاستىڭ سەنىمىنە قانات بىتىرگەن, جاستىق جىگەرىن جانىپ, جۇرەگىنە اسقاق ارمان ۇيالاتقان, وندىردەي جاس تالاپتاردىڭ ونەرىنە جول اشاتىن ماڭىزدى مادەني شارا بولىپ تابىلادى.
فەستيۆال ەكى كەزەڭدە, اۋداندىق جانە وبلىستىق دەڭگەيدە وتكىزىلىپ وتىر. ونەر فەستيۆالىنە بيىل 150-گە تارتا قالا, اۋدان جاستارى قاتىسىپ, «ەسترادا – ۆوكال», «حورەوگرافيا», «شىعارماشىلىق شەبەرلىك» نوميناتسيالارى بويىنشا ونەرلەرىن ورتاعا سالىپ, باقتارىن سىنادى.
فەستيۆالدىڭ «ەسترادا-ۆوكال» نوميناتسياسىنىڭ باس جۇلدەسىن ويىلدىق ەرمۇحامبەت ماحمەتوۆ, «حورەوگرافيا» نوميناتسياسىندا ەكىنشى ورىندى مارتوك اۋدانىنىڭ «پوزيتيۆ گرەن» بي ءانسامبلى جانە «شىعارماشىلىق شەبەرلىك» نوميناتسياسى جۇلدەسىن حرومتاۋلىق ەستاي وتەۋليەۆ الدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.