ۇكىمەت ءورت ءسوندىرۋ جۇمىستارىنا تارتىلاتىن تىكۇشاقتارعا ارنالعان 26 جاڭا سۋ شاشۋ قۇرىلعىسىن ساتىپ الۋعا 623 ملن تەڭگەدەن استام قاراجات بولەدى, دەپ حابارلايدى Egemen.kz.
پرەمەر-ءمينيستردىڭ ءباسپاسوز قىزمەتىنىڭ مالىمەتىنشە, ول تەحنيكالار قالا ماڭىنداعى اۋماقتارمەن بىرگە, رەسپۋبليكانىڭ شالعاي اۋداندارىندا دا قولدانىلادى.
10-15 سەكۋندتا 5 توننا سۋ جيناپ, ونى 6 سەكۋند ىشىندە توگە الاتىن قوسىمشا قۇرىلعىلاردىڭ كومەگىمەن اۆياتسيا ورمان القابىنىڭ ۇلكەن اۋماقتارىنداعى ورتتەردى جىلدام اۋىزدىقتاي الادى.
سونىمەن قاتار قۇتقارۋشىلاردىڭ اۋە پاركى ءورت ءسوندىرۋ, ادامداردى قاۋىپتى ايماقتاردان ەۆاكۋاتسيالاۋ جانە ت.ب. تجم مىندەتتەرىن ورىنداۋعا بەيىمدەلگەن مي-8 تىكۇشاقتارىمەن تولىقتىرىلادى. جالپى اتالعان شارالار تابيعي ورتپەن كۇرەس كەزىندە ارنايى قىزمەتتەردىڭ جەدەل ارەكەت ەتۋ مۇمكىندىكتەرىن ەداۋىر ارتتىرۋعا مۇمكىندىك بەرەدى.