تاركىلەنگەن ەلەكتروندى تەمەكىنىڭ قۇنى الدىن الا ەسەپ بويىنشا 2,4 ملرد تەڭگەنى قۇرايدى, دەپ حابارلايدى Egemen.kz ۇلتتىق قاۋىپسىزدىك كوميتەتىنىڭ ءباسپاسوز قىزمەتىنە سىلتەمە جاساپ.
ۇقك شەكارا قىزمەتى مەملەكەتتىك كىرىستەر دەپارتامەنتىنىڭ قىزمەتكەرلەرىمەن بىرگە «دوستىق» اۆتوكولىكتىك وتكىزۋ پۋنكتىندە شەكارالىق باقىلاۋ بارىسىندا جۇك كولىكتەرىنە تيەلگەن ىلەسپە قۇجاتتارى جوق ءىرى كولەمدەگى ەلەكتروندى تەمەكىنى كىرگىزۋگە ارەكەتتەنگەن ءۇش قازاقستان ازاماتىن ۇستادى.
اتالعان ادامدار مەن ولاردىڭ جۇكتەرى قارجى مينيسترلىگى مەملەكەتتىك كىرىستەر دەپارتامەنتىنىڭ اۋماقتىق بولىمشەسىنە جەتكىزىلدى.