«استانا» العا شىقتى

كوپشىلىك ەلورداداعى باسەكەنى تاعات­سىزدانا كۇتتى. ويتكەنى وسى ماتچتا جەڭىسكە جەتكەن كوماندا جەكە-دارا كوش باستايتىن ەدى. ءبىرىنشى تايمادا ۆارازدات ارويان (17 مينۋت) مەن مارين توماسوۆ (27 مينۋت) الاڭ يەلەرىن العا شىعاردى. 39 مينۋتتا «قىزىلجاردىڭ» ويىنشىسى حوسە ۆيتور ەسەپ ايىرماشىلىعىن قىسقارتتى. ۇزىلىستەن كەيىن دە شيەلەنىستى ويىن جالعاستى. 89-مينۋتتا يۆان گراف پەنالتيدەن تارازى باسىن تەڭەستىرسە, تورەشى قوسقان ۋاقىتتا ەلحان استانوۆ استانالىقتارعا جەڭىس سىيلادى. ەسەپ – 3:2. وسى تابىسىنىڭ ارقاسىندا 25 ۇپاي جيعان «استانا» جارىس كەستەسىندە كوش باستادى. «قىزىلجاردىڭ» ولاردان ءۇش ۇپايى از. بىراق سولتۇستىك قازاقستان وبلىسىنىڭ وكىلدەرى ەلوردالىق كلۋبتان ءبىر ويىن كەم وتكىزدى.

«جەتىسۋ» تالدىقورعاندا «اتىراۋدان» 0:3 ەسەبىمەن ويسىراي ۇتىلسا, قاراعاندىدا «شاح­تەر» پاۆلودار وبلىسىنان كەلگەن «اق­سۋ» كلۋبىنان ايلاسىن اسىردى – 2:1.