جەلىدە حالىققا قىزمەت كورسەتۋ ورتالىقتارى قىتاي تىلىندە دە قىزمەت كورسەتەدى دەگەن اقپارات شۇبىرىپ ءجۇر. تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى اسەت تۇرىسوۆ بۇل اقپاراتقا قاتىستى پىكىر ءبىلدىردى, دەپ حابارلايدى Egemen.kz.
ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا باق وكىلدەرى ۆيتسە-مينيستردەن: «ەلىمىزدەگى حالىققا قىزمەت كورسەتۋ ورتالىقتارىندا قازىر ءۇش تىلدە قىزمەت كورسەتىلەدى. ولار - قازاق, ورىس, اعىلشىن تىلدەرى. ەندى وعان قىتاي ءتىلىن قوسىپ جاتىر ەكەن. سەبەبى نە؟ قىتاي مەن قازاقستان اراسىنداعى ۆيزاسىز رەجيمگە بايلانىستى ما؟ الدە باسقا سەبەبى بار ما؟ نە ءۇشىن ءتورتىنشى ءتىل رەتىندە باسقا ەمەس, ءدال قىتاي ءتىلى قوسىلىپ جاتىر؟» دەپ سۇرادى.
بۇل ساۋالعا اسەت تۇرىسوۆ جاۋاپ بەردى.
«اتالعان اقپارات جالعان ەكەندىگىن ايتقىم كەلەدى», دەدى ۆيتسە-مينيستر.