كەيىنگى جىلدارى شاحماتتاعى قازاق قىزدارى الەمدىك ارەنالاردا ءىرى-ءىرى جەڭىستەرگە قول جەتكىزىپ ءجۇر. جۋىردا 16 جاستاعى الۋا نۇرمانوۆا الەم چەمپيونى قىتايلىق تسزيۋي ۆەنتسزيۋندى جەڭىپ, «Pro Chess League» ءتۋرنيرىنىڭ جەڭىمپازى اتاندى.
1 اقپان مەن 15 مامىر ارالىعىندا ۇيىمداستىرىلعان جۇلدە قورى 150 000 اقش دوللارىن قۇرايتىن ونلاين كوماندالىق شاحمات تۋرنيرىندە الۋا نۇرمانوۆا حالىقارالىق دارەجەدەگى گروسسمەيستەرلەر – حيكارۋ ناكامۋرا (اقش), ۆلاديمير فەدوسەەۆ (رەسەي) جانە شامسيددين ۆوحيدوۆپەن (وزبەكستان) بىرگە «Gotham Knights» كومانداسىندا ونەر كورسەتتى.
وتانداسىمىز جارىس بارىسىندا ادحيبان باسكاران ء(ۇندىستان), نيكولاس تەودورۋ (گرەكيا), بەندجامين بوك (نيدەرلاند) سەكىلدى گروسسمەيستەرلەرمەن تەڭ ويناپ, شەشۋشى باسەكەدە قىتايلىق الەم چەمپيونىن تىزە بۇكتىرىپ, كومانداسىنا جەڭىس سىيلادى. «Pro Chess League» جارىسىنىڭ نەگىزگى كەزەڭىندە الەمنىڭ تۇكپىر-تۇكپىرىنەن جينالعان 16 كوماندا سىنعا ءتۇستى.