ساۋد ارابياسىنىڭ فۋتبول بىرىنشىلىگىندە ء«ال-ناسر» كلۋبى 2-0 ەسەبىمەن ء«ال-تاي» كومانداسىن جەڭدى. ء«ال-ناسر» كريشتيانۋ رونالدۋ مەن برازيليالىق تاليسكي سوققان گولداردىڭ ارقاسىندا العا جىلجىدى, دەپ حابارلايدى Egemen.kz.
ء«ال-ناسر» – ء«ال-تاي» جەكپە-جەگى ساۋد ارابياسى چەمپيوناتىنىڭ 27-تۋرى اياسىندا ءوتتى, وندا رونالدۋ ءوز كومانداسىنىڭ ءبىرىنشى گولىن پەنالتيمەن سوقتى.
بۇل دوپ پورتۋگاليا جۇلدىزىنىڭ 13-ءشى اكتيۆى بولدى. ەسكە سالا كەتسەك, تانىمال فۋتبولشى ساۋد ارابياسىنىڭ سۋپەرليگا ماتچتارىنا ء«ال-ناسر» جەيدەسىن كيىپ شىقتى. وسى ورايدا كريشتيانۋ چەمپيوناتتىڭ ۇزدىك بومبارديرلەرى تىزىمىندە بەسىنشى ورىنعا جايعاسقانىن دا ايتا كەتۋ كەرەك.
كەزەكتى جەڭىسىنەن كەيىن ء«ال-ناسر» 27 ماتچتا 60 ۇپاي جيناپ, تۋرنير كەستەسىندە ەكىنشى ورىن الدى. ازىرگە رونالدۋ كلۋبىنان ءۇش ۇپايمەن الدا تۇرعان ء«ال-يتتيحاد» كوش باستاپ تۇر.