قازاقستاننىڭ كاسىپقوي فۋتبول ليگاسى (قكفل) ەل چەمپيوناتىنىڭ ءساۋىر ايىنداعى ۇزدىك جاتتىقتىرۋشىسى مەن فۋتبولشىسىنىڭ ەسىمدەرىن اتادى.
ايدىڭ ۇزدىكتەرىن انىقتاۋ ماقساتىندا قكفل ىشكى بىرىنشىلىكتەگى كوماندالاردىڭ باپكەرلەرى مەن كاپيتاندارى اراسىندا ءداستۇرلى ساۋالداما وتكىزدى. ناتيجەسىندە, «قىزىلجاردىڭ» باس باپكەرى ءالي اليەۆ ءساۋىر ايىنىڭ ۇزدىك باپكەرى اتانسا, «قايرات» ويىنشىسى جواو پاۋلو وتكەن ايدىڭ ۇزدىك فۋتبولشىسى دەپ تانىلدى.
پەتروپاۆل كومانداسى ءساۋىر ايىندا ءتورت ماتچ وتكىزىپ, سونىڭ ۇشەۋىندە جەڭىسكە جەتكەن. ءبىر ماتچتا تەڭ ءتۇستى. سونىمەن قاتار كۋبوك ويىنىنىڭ شيرەك فينالىندا «جەتىسۋ» كومانداسىنان باسىم بولدى. اليەۆكە 13 ارىپتەسىنىڭ سەگىزى داۋىس بەرگەن. ال كوماندا كاپيتاندارى داۋىس بەرگەن ساۋالدامادا «قايراتتىڭ» شابۋىلشىسى جواو پاۋلو ەڭ كوپ داۋىسقا يە بولدى. برازيليالىق فۋتبولشى ءساۋىر ايىندا چەمپيونات پەن كۋبوگتىڭ التى ويىنىندا بەس گولمەن جانە ءبىر ناتيجەلى پاسپەن كوزگە ءتۇستى.