شيرەك فينالعا شىقتى

الەمدىك رەيتينگتە التىنشى ورىندا تۇرعان جەرلەسىمىز اپەننين تۇبەگىندەگى تەننيسشىلەر باسەكەسىنىڭ ءتورتىنشى اينالىمىندا دۇنيەجۇزىلىك رەيتينگتە 70-ورىندا تۇرعان چەحيالىق ماركەتا ۆوندروۋشوۆامەن شەبەرلىك بايقاستى. وسىعان دەيىن قار­سىلاستار 2021 جىلى ماسكەۋدەگى جارىستا ءبىر مارتە كەزدەسىپ, وندا چەحيالىق تەننيسشى ەكى سەتتە 6:4, 6:4 ەسەبىمەن جەڭىسكە جەتكەن بولاتىن. بۇل جولى وتانداسىمىزدىڭ مەرەيى ۇستەم بولدى.

ءبىرىنشى پارتيانىڭ العاشقى گەيمىندە رىباكينا قاتەلىككە بوي الدىرىپ, قار­سى­لاسىنىڭ برەيك جاساۋىنا مۇمكىندىك بەرىپ قويدى. الايدا كەيىنگى ەكى گەيمدە ءوزى قايىرا برەيك جاساپ, ەسەپتە العا شىعىپ الدى – 3:1. سودان كەيىن جەرلەسىمىز تاعى ءۇش گەيمدە مىق­تىلىق تانىتىپ, العاشقى پارتيانى 6:3 ەسەبى­مەن ءوز پايداسىنا جازدى. ەكىنشى سەتتە ەلەنا قارقىنىن ارتتىرىپ, ءا دەگەننەن 4:1 ەسەبىمەن العا ۇزاپ كەتكەنىمەن, چەحيالىق سپورتشى قايىرا برەيك جاسادى. دەگەنمەن بۇل پارتيادا دا رىباكينا 6:3 ەسەبىمەن باسىمدىق تانىتتى. ەلەنا جارتىلاي فينالعا شىعۋ ءۇشىن الەمنىڭ 1-راكەتكاسى پولشا وكىلى يگا شۆەنتەك نەمەسە رەيتينگتە 24-ساتىدا تۇرعان حورۆاتيالىق دوننا ۆەكيچتىڭ بىرىمەن كەزدەسەدى.