جۇلدەگە جالعىز ءوزى تالاسادى

ەلىمىزدىڭ داڭقتى تەننيسشىسى ءۇشىنشى اينالىمدا دۇنيەجۇزىلىك رەيتينگتە 57-ورىندا تۇرعان رەسەيلىك اننا كالينسكايامەن شەبەرلىك بايقاستى. ءبىرىنشى پارتيانىڭ ءۇشىنشى گەيمىندە رەسەيلىك تەننيسشى برەيك جاساپ, ەسەپتە العا شىعىپ الدى – 3:1. بىراق التىنشى گەيمدە رى­باكينا ءوز قاتەلىگىن تۇزەتىپ, قايىرا برەيك جاسادى. تارازى باسىن تەڭەستىرگەن ەلەنا كەيىنگى گەيمدە دە سەنىمدى ويناپ, ەسەپتە باس­ىم­دىققا يە بولدى – 4:3. وسى مەزەتتە ا.كالين­سكايا جارا­قاتىنا بايلانىستى باسەكەنى جالعاس­تىرۋدان باس تارتتى. ءسويتىپ, نەبارى 35 مينۋتقا جالعاسقان ماتچتا وتانداسىمىز 3 ەيس, 1 برەيك جاساپ, جارىستىڭ ءتورتىنشى اينالىمىنا جولداما الدى. ەلەنا كەشە الەمنىڭ 70-راكەتكاسى چەحيالىق ماركەتا ۆوندروۋشوۆامەن كەزدەستى.

وكىنىشكە قاراي, ەرلەر اراسىنداعى الەم­نىڭ 49-راكەتكاسى الەكساندر بۋبليك ءتۋرنيردىڭ ءتورتىنشى اينالىمىنا شىعا المادى. بۋبليك ءۇشىنشى اينالىمدا الەمنىڭ 4-راكەتكاسى نورۆەگيالىق كاسپەر رۋدپەن شەبەرلىك بايقا­سىپ, اسا تارتىستى وتكەن باسەكەدە قارسى­لا­سى­نا تاي-برەيكتە ەسە جىبەردى – 1:6, 6:4, 6:7 (0:7).