يتاليانىڭ ريم قالاسىندا ءوتىپ جاتقان ماستەرس سەرياسى تۋرنيرىندە قازاقستاننىڭ ءبىرىنشى راكەتكاسى ەلەنا رىباكينانىڭ العاشقى قارسىلاسى بەلگىلى بولدى, دەپ حابارلايدى Egemen.kz.
ءتۋرنيردىڭ ەكىنشى اينالىمىندا ەلەنا رىباكينا كورتقا يتاليا وكىلى جاسمين پاولينيمەن كەزدەسەدى. يتاليالىق تەننيسشى رەيتينگتە 68-ءشى ورىندا تۇرسا, قازاقستان تەننيسشىسى ماستەرس ءتۋرنيرىن التىنشى ورىننان باستادى.
بۇعان دەيىن يتاليا تەننيسشىسى قىتايلىق ۆان ءسينيۋيدى ءۇش سەتتە ۇتقان ەدى. كەزدەسۋ 6:4, 6:7, 6:2 ەسەبىمەن اياقتالدى.
ايتا كەتەيىك, سەگىزىنشى مامىردا ءريمنىڭ (يتاليا) سازدى كورتتارىندا ايەلدەر مەن ەرلەر اراسىنداعى «ماستەرس» جارىسى باستالدى. جارىسقا الەمنىڭ بارلىق جەتەكشى تەننيسشىلەرى باردى, ونىڭ ىشىندە الەمنىڭ التىنشى راكەتكاسى – قازاقستاندىق ەلەنا رىباكينا دا بار.