تاشكەنتتەگى بوكستان الەم چەمپيوناتىندا ءساناتالى تولتاەۆ ءوزىنىڭ العاشقى جەكپە-جەگىن وتكىزدى, دەپ حابارلايدى Egemen.kz.
63,5 كەلىگە دەيىنگى سالماق دارەجەسىندە 1/32 فينال كەزەڭىندە س.تولتاەۆ يزرايل بوكسشىسى احماد شتيۆيمەن كەزدەسىپ, ۇپاي بويىنشا جەڭىسكە جەتتى. وسىلايشا, ءساناتالى تولتاەۆ الەم چەمپيوناتىنىڭ 1/16 فينالىنا جولداما الىپ, جاتتىقتىرۋشىلاردىڭ ءۇمىتىن اقتادى.
ونىڭ قارسىلاسى احماد شتيۆي كاسىبي رينگتە ونەر كورسەتىپ جۇرگەن بوكسشى. ول وسىعان دەيىن 8 جەكپە-جەك وتكىزىپ, بارلىعىندا جەڭىسكە جەتكەن.
ەستەرىڭىزگە سالا كەتەيىك, بۇگىن قازاقستان قۇراماسى ساپىنان تاعى ءبىر بوكسشى ونەر كورسەتكەن بولاتىن. ساعىندىق توعامباي (86 كگ) كونگو وكىلى ناتان نلاندۋ مبەليدى ءۇش رەت نوكداۋنعا جىبەردى.