جەلىدە 17-قاباتتىڭ تەرەزەسىن ساقتاندىرۋسىز جۋعان ەلوردا تۇرعىنىنىڭ ۆيدەوسى تارادى. قاۋىپسىزدىك شارالارىن ساقتاماعان ايەل ادام كوپشىلىكتىڭ ۇرەيىن ۇشىردى, دەپ حابارلايدى Egemen.kz.
قاۋىپسىزدىك تالاپتارىن ساقتاماعان كەلىنشەكتىڭ بۇل ارەكەتىنە تاڭعالعان جەلى قولدانۋشىلارى ء«ومىر تازالىقتان ارتىق» دەپ, جاعالارىن ۇستادى. ءتىپتى, «ەنەسى كەلە جاتقان شىعار» دەپ ازىلدەپ جازعاندارى دا بولدى.
استانا تجد وكىلدەرى دە بۇل جاعدايعا قاتىستى پىكىر ءبىلدىردى.
«جىل باسىنان بەرى ەلوردادا ءۇش بالا تەرەزەدەن قۇلاعان. وسىعان ۇقساس جاعدايلار قاۋىپسىزدىك شارالارىن ەلەمەگەندىكتەن بولادى. قاۋىپسىزدىك تالاپتارىن ەرەسەكتەر دە ساقتاۋى ءتيىس», دەلىنگەن حابارلامادا.