جاڭاوزەندەگى جارىلىستان كەيىن اقتاۋداعى وبلىستىق اۋرۋحاناعا اۋىر جاعدايدا جەتكىزىلگەن 46 جانە 51 جاستاعى ەر ادامدار قايتىس بولدى, دەپ حابارلايدى Egemen.kz.
كوپسالالى اۋرۋحانا دارىگەرلەرىنىڭ ايتۋىنشا, زارداپ شەككەندەرگە بارلىق قاجەتتى كومەك كورسەتىلدى.
«وكىنىشكە قاراي, دارىگەرلەر ولاردى قۇتقارا المادى, ولاردىڭ جاعدايى وتە اۋىر بولدى. ءبىز مارقۇمداردىڭ تۋىستارى مەن جاقىندارىنا كوڭىل ايتامىز», دەلىنگەن وبلىستىق اۋرۋحانانىڭ ءباسپاسوز قىزمەتى تاراتقان حابارلامادا.
ەسكە سالا كەتسەك, 2023 جىلدىڭ 17 ساۋىرىندە جاڭاوزەننىڭ ەكىنشى شاعىن اۋدانىندا كوپپاتەرلى ۇيدە گاز جارىلدى.