«بوستەك»

بۇل ايۋدىڭ تەرىسىن جازۋ­شى­عا 1960 جىلى تارباعاتاي وڭىرىنە بارعاندا ۇشقۇدىق ەلدى مەكەنىندە دونەنباي ەسىمدى جاس شوپان سىيعا تارتقان. شوپان جىگىت گا­زەت­تەن سۇيىكتى جازۋشىسى شىعىس قازاقستانعا كەلەتىنىن وقيدى. قالامگەردىڭ الپىس جىل­دىق مەرەيتويىنا وسى ايۋ تەرىسىن سىيلاۋدى ءجون كورەدى. اۋدان باسشىلارىنىڭ ورتاسىندا تۇرعان قالامگەردى بىردەن تانىعان ول جينالىس ءبىتىپ, جۇرت تاراپ جاتقاندا سابەڭە امانداسىپ, قولىنداعى قاپقا سا­لىنعان ايۋدىڭ تەرىسىن سىي­لاپتى. جازۋشى مۇندا ءبىر سىردىڭ بارىن سە­زىپ, ءمان-جايىن سۇرايدى.

دونەنباي ايى-كۇنى جەتكەن ايەلىن اۋدان ورتالىعىنا اپارۋ ءۇشىن كەشكى سالقىنمەن جولعا شىعىپ, ەكەۋى دە شول­دەگەن سوڭ, سول ماڭداعى جا­قىن اۋىلعا سۋ الىپ كەلۋگە كە­­تەدى. اۋىلعا جەتكەندە جەر­گى­لىكتى تۇرعىندار قازىر عانا قويلارىنا ايۋ شاپقانىن ايتىپ, دۇرلىگىپ, شۋىلداسىپ جاتادى. مۇنى ەستىگەن شوپان ايەلىن قالدىرىپ كەتكەن توپ جىڭعىلعا جانۇشىرا جۇگىرىپ جەتسە, قىزىل قانعا بويالىپ, اۋىر جاراقاتتان كوز جۇمعان قارلىعاشتى كورەدى. جىگىت ۇزاق ۋاقىت اڭدىپ ءجۇرىپ, الگى ايۋدى ءوزى اتىپ العان.

سابەڭە: «سىزگە تارتۋعا الىپ كەلگەنىم سول ايۋدىڭ تەرىسى. مىڭ جاساڭىز. ۇيىڭىزدە, ايا­عىڭىزدىڭ استىندا جاتسىن. تە­ۋىپ-تەۋىپ قويىڭىز, سوندا مەنىڭ كەگىمنىڭ قايتقانى دەپ بى­لەمىن», دەگەن ەكەن. كەيىن سابەڭنىڭ ىقپالىمەن دو­نەن­باي الماتىعا كەلىپ, ينس­تيتۋت ءبىتىرىپ, كەڭشاردا مال دارىگەرى بولىپ جۇمىس ىس­تەيدى. بىردە سابەڭنىڭ ۇيىنە قوناققا كەلگەن وزبەك جازۋشىسى ناسىر فازىلوۆ تورگە شىعا بەرە كوزى ايۋدىڭ تەرىسىنە ءتۇسىپ, ءمان-جايىن سۇراپ بىلگەن ەكەن. ول تار­باعاتايداعى اياۋ­لى كەلىن­شەكتىڭ تۇبىنە جەتكەن, ونىڭ بولاشاق پەرزەنتىنىڭ ءومى­رىن قيعان, ال شوپان جىگىت دونەن­بايدىڭ ارمانىن وشىرگەن وسى ايۋ جايىندا «بوستەك» اتتى اڭگىمەسىن جازعان كورىنەدى.

جانار تاەۆا,

س.مۇقانوۆ پەن ع.مۇسىرەپوۆ  ادەبي-مەموريالدىق مۋزەي كەشەنىنىڭ عىلىمي قىزمەتكەرى

الماتى