قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆتىڭ شاقىرۋىمەن حالىقارالىق فۋتبول فەدەراتسيالارى قاۋىمداستىعىنىڭ باسشىسى (فيفا) دجانني ينفانتينو قازاقستانعا رەسمي ساپارمەن كەلەدى, دەپ حابارلايدى Egemen.kz قفف ءباسپاسوز قىزمەتىنە سىلتەمە جاساپ.
رەسمي ساپار 3 مامىرعا جوسپارلانعان.
بىلتىر كۇزدە ادىلەت بارمەنقۇلوۆ پەن دجانني ينفانتينو فرانتسيا استاناسى پاريجدە كەزدەسىپ, فۋتبولدى دامىتۋدى كەڭىنەن ناسيحاتتاپ, دايىندىق جۇيەسى مەن جارىستاردى ۇيىمداستىرۋ, سونىمەن قاتار قازاقستاندا فۋتبول ينفراقۇرىلىمىن جاقسارتۋ تاقىرىپتارىن تالقىلاعان ەدى.
دجانني ينفانتينونىڭ قازاقستانعا ساپارى اياسىندا ەل اۋماعىندا فيفا قىزمەتىن دامىتۋ بويىنشا حالىقارالىق ءىس-شارالاردى ۇيىمداستىرۋ ماسەلەلەرى تالقىلانىپ, ورتالىق ازيا فۋتبول قاۋىمداستىقتارى اراسىندا ىنتىماقتاستىقتى ارتتىرۋ باعىتتارى قاراستىرىلادى.