سوڭعى 6 جىل ىشىندە بالالار مەن جاسوسپىرىمدەر اراسىندا پسيحواكتيۆتى زاتتارعا تاۋەلدىلىك 17 ەسە ارتقان. بۇل ماسەلەنى ءماجىلىس دەپۋتاتى دينارا شۇكىجانوۆا كوتەردى, دەپ حابارلايدى Egemen.kz.
دەپۋتاتتىڭ ايتۋىنشا, 2023 جىلدىڭ باسىنان بەرى ەل بويىنشا 88 كەلى سينتەتيكالىق ەسىرتكى تاركىلەندى, مۇنداي مولشەردىڭ قارا نارىقتاعى قۇنى 1,7 ملرد تەڭگەدەن اسادى.
دينارا شۇكىجانوۆا تاۋەلدىلىكتىڭ مۇنداي تۇرىمەن كۇرەسۋ ءىس-شارالارىن جۇرگىزۋ بارىسىندا پرەزيدەنت جانىنداعى جاستار كەڭەسىنىڭ ءرولى اسا ماڭىزدى دەپ سانايدى.
ء«بىز, «رەسپۋبليكا» پارتياسىنىڭ وكىلدەرى كەلەسى ماسەلەلەردى قاراستىرۋدى ۇسىنامىز. زاڭنامانى قاتاڭداتۋ: جاسىرىن ەسىرتكى زەرتحانالارىن ۇيىمداستىرۋشىلار ءۇشىن جاۋاپكەرشىلىكتى كۇشەيتۋ. اقپاراتتىق-كوممۋنيكاتسيالىق جۇيەلەردى پايدالانۋ ارقىلى ەسىرتكىنىڭ زاڭسىز اينالىمىن ۇگىتتەگەندەر ءۇشىن قىلمىستىق جاۋاپكەرشىلىك قاراستىرۋ. بۇلتارتپاۋ شاراسىن ۋاقىتىلى شىعارۋ ماقساتىندا سينتەتيكالىق ەسىرتكىنىڭ سوت ساراپتاما ءوندىرىسىنىڭ مەرزىمىن قىسقارتۋ», دەدى ءماجىلىس دەپۋتاتى.