مەملەكەت باسشىسى نۇرسۇلتان نازارباەۆتىڭ اتىنا ماسكەۋ مەملەكەتتىك كونسەرۆاتورياسى جانىنداعى ورتالىق مۋزىكا مەكتەبىنىڭ وقۋشىسى رۋسلان تۇرىنتاەۆتان حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
9-سىنىپ وقۋشىسى ر.تۇرىنتاەۆ ءوز حاتىندا مەملەكەت باسشىسىنا ەل ازاماتتارىنىڭ تۇرمىسىن جاقسارتۋعا باعىتتالعان كۇش-جىگەرى مەن ادامدارعا دەگەن قامقورلىعى ءۇشىن العىسىن جەتكىزگەن.
حات يەسى ماسكەۋدە وتكەن پ.ي.چايكوۆسكي اتىنداعى 8-حالىقارالىق جاسوسپىرىمدەر كونكۋرسىندا ءبىرىنشى ورىن الىپ, لاۋرەات اتاعىن يەلەنگەنىن ايتادى.
«اسەمدىكتىڭ شىڭىنا شىعۋ قيىن, بىراق ءسىز قازاقستاندىقتار باقىتتى, ءماندى دە ءساندى ءومىر ءسۇرۋى ءۇشىن بارلىعىن جاساپ كەلەسىز. ءوزىمنىڭ جەتىستىگىمدى ءسىزدىڭ تۋعان كۇنىڭىزگە ارنايمىن. بۇل, سونداي-اق, قالا كۇنىنە دە تارتۋىم», دەلىنگەن حاتتا.