ەلوردادا جاس قالامگەر ءجاميلا باقتيارقىزىنىڭ «قارلىعاش» اتتى كىتابى جارىق كوردى. شىعارمادا قوعامنىڭ دەرتىنە اينالعان جاستار اراسىنداعى وزەكتى ماسەلەلەر جازىلعان. اتا مەن نەمەرە اراسىنداعى ديالوگ ارقىلى ءمولدىر ماحاببات پەن ۇلتتىق قۇندىلىقتاردى دارىپتەيدى.
اتالعان ءىس-شارادا اۆتور ءوز شىعارمالارىنان ءۇزىندى وقىپ, قالىڭ كورەرمەندى تەرەڭ ويعا جەتەلەدى. ەكى جىل بۇرىن جازىلعان, ءجاميلا باقتيارقىزىنىڭ العاشقى تۋىندىسى التى تىلگە اۋدارىلعان.
«بۇل كىتاپتىڭ ءومىرىم مەن تاعدىرىمدا ورنى ەرەكشە. كىتاپتىڭ 5 مىڭ داناسىن شىعاردىق. سۇرانىس بولىپ جاتسا, ارينە, تاعى دا شىعارامىز. باستىسى, حالىق وقىپ, كەرەگىن السا بولدى», دەيدى جاس قالامگەر.
ل.ن.گۋميلەۆ اتىنداعى ەۇۋ-دا وتكەن تۇساۋكەسەرگە تانىمال قوعام قايراتكەرلەرى, عالىمدار, اقىن-جازۋشىلار جانە تالاپتى جاستار قاتىستى.
ء«تىلى وتە كوركەم. كىتاپ ءا دەگەننەن تارتىپ, جەتەكتەپ وتىرادى. وسىنىڭ ءوزى اۆتوردىڭ شەبەرلىگىن كورسەتىپ وتىر. ادەبيەتكە بولاشاعى زور, ۇلكەن ءبىر قالامگەر كەلدى دەپ ايتساق بولادى. جالعاساتىنى كۇمان تۋعىزبايدى», دەدى جۋرناليستيكا جانە ساياساتتانۋ فاكۋلتەتىنىڭ دەكانى قايرات ساق.