«ەل-كلاسيكو»: «قايرات» «استانانى» تىزە بۇكتىردى

التىنشى تۋردىڭ ورتالىق ويىنى «استانا» مەن «قايرات» اراسىنداعى ماتچ بولسا دا, جانكۇيەرلەردىڭ نازارى پاۆلودارداعى جەرگىلىكتى «اقسۋ» مەن پەترو­پاۆلدىڭ «قىزىلجار» كلۋب­تارى­نىڭ ويىنىنا اۋدى. ويتكەنى ءالي اليەۆ جاتتىقتىراتىن «قىزىلجار» كومانداسى كەيىنگى بەس تۋردا فۋتبول ماماندارىن تاڭ­عالدىرىپ, 100 پايىزدىق ناتيجەمەن تۋرنير كەستەسىندە كوش باسىندا كەلەدى. پەتروپاۆلدىڭ كومانداسى بۇل تۋردا دا ۇپايدان شاشاۋ شىعارماي, جاقىن باسە­كەلەستەرىنەن تاعى دا الشاقتاپ كەتتى. كەزدەسۋدىڭ 78-مينۋتىنا دەيىن ماتچ­تىڭ ەسەبىن اشا الماعان «قىزىلجار» فۋتبولشىلارى اينالدىرعان ءتورت مينۋت­تىڭ ىشىندە قارسىلاستارىنىڭ قاقپاسىنا ەكى گول سوعىپ, التىنشى جەڭى­سىنە قول جەت­كىزدى. بۇل ماتچتا قوناقتار ساپىنان حوسە ۆيتور رودريگەس مەرگەندىك تانىتسا, مارات شاح­مەتوۆ ەكىنشى گولدىڭ اۆتورى اتاندى.

ال ەلوردادا وتكەن «استانا» مەن «قاي­رات» اراسىنداعى «ەل-كلاسيكودا» الماتىلىق ۇجىمنىڭ مەرەيى ۇستەم بولدى. بەس مىڭنان اسا جانكۇيەر تاماشالاعان «استانا ارەناداعى» تارتىستى ماتچتا «قايرات» فۋتبولشىلارى الاڭ يەلەرىنەن 3:0 ەسەبىمەن باسىم ءتۇسىپ, استانادان ءۇش ۇپاي ارقالاپ قايتتى. كەزدەسۋدىڭ ءۇشىنشى مينۋتىندا «قايراتتىڭ» برا­زيليالىق شابۋىلشىسى جواو پاۋلو اس­تانالىقتاردىڭ قورعانىسىن بۇ­زىپ-جارىپ, ويىننىڭ ەسەبىن اشتى. ال ءبىرىنشى تايمنىڭ ورتا تۇسىندا ما­رين توماسوۆتىڭ تارازى باسىن تەڭەس­تىرەتىن تاماشا مۇمكىندىگى بولدى. ءبى-ر­اق حورۆاتيالىق سۇرمەرگەن ەكى مەتر جەردەن بوس قاقپانى كوزدەي الماي, ءوز جانكۇيەرلەرىنىڭ الدىندا ۇياتقا قالدى. «سەن سوقپاساڭ, ساعان سوعادى», دەگەندەي ەكىنشى تايمنىڭ 56-مينۋتىندا جواو پاۋلو ءدۋبلدىڭ اۆتورى اتانىپ, قوناقتاردى 2:0 ەسەبىمەن العا شىعاردى. ماتچتىڭ اياقتالۋىنا ءتورت مينۋت قالعاند­ا دميتري سەرگەەۆ مەرگەندىگىمەن كوزگە ءتۇسىپ, ويىننىڭ نۇكتەسىن قويدى – 3:0. بۇل – رەسەيلىك فۋتبولشىنىڭ قازاقستان چەمپيوناتىنداعى دەبيۋتتىك گولى بولعا­نىن ايتا كەتكەن ءجون.

التىنشى تۋرعا دەيىن تۋرنير كەستە­سىندە 10 ۇپايمەن 4-5 ورىنداردى ءبولى­سىپ تۇرعان «ورداباسى» مەن «توبىل» بۇل تۋردا جەڭىس ءۇشىن بارىن سالدى. ويت­كەنى ءۇش ۇپايدى ولجالاعان كلۋبتىڭ ۇزدىك ۇشتىكتىڭ قاتارىنا قوسىلاتىنى بەلگىلى ەدى. سوندىقتان ەكى ۇجىمنىڭ فۋت­بولشىلارى ماتچ بارىسىندا ايانىپ قال­عان جوق. كوماندالار ءبىرىنشى تايمدا ءبىر-ءبىر گولدان سوعىپ, ۇزىلىسكە تەڭ ەسەپپەن اتتاندى. ماتچتىڭ ەسەبىن الاڭ يەلەرىنەن اسحات تاعىبەرگەن ايىپ دوبىنان اشقان بولسا, «توبىل» ساپىنان سەرج دەبلە مەر­گەندىك تانىتتى.

ۇزىلىستەن كەيىن قارقىنىن ارتتىرعان «ور­داباسى» «توبىل» قاقپاسىنا جاۋاپ­سىز ءۇش گول سوقتى. 72-مينۋتتا بوبير ابدي­حوليكوۆ شىمكەنتتىكتەردى ەسەپتە العا شىعارسا, ارادا ءتورت مينۋت وتكەندە سەر­گەي مالىي «ورداباسىنىڭ» ءۇشىنشى گولىن سوقتى. ال 85-مينۋتتا ۆسەۆولود سادوۆ­سكي كەزدەسۋدىڭ نۇكتەسىن قويدى – 4:1. وسىلايشا, ماڭىزدى ءۇش ۇپايىنا قول جەتكىزگەن «ورداباسى» تۋرنير كەستەسىندە ءۇشىنشى ورىنعا كوتەرىلىپ الدى.

تۋرداعى ايتا كەتەتىن ءبىر جاڭالىق – كوش سوڭىنداعى «كاسپي» بيىلعى ماۋ­سىمداعى العاشقى جەڭىسىن تويلادى. اقت­اۋدىڭ كومانداسى «وقجەتپەستى» 2:1 ەسە­بىمەن تىزە بۇكتىرگەنىنە قاراماستان, بۇ­رىنعىشا ەڭ سوڭعى ورىندا كەلەدى. ال قال­عان ويىنداردىڭ ناتيجەسى مىناداي: «اق­توبە» – «اتىراۋ» – 4:0, «جەتىسۋ» – «قاي­سار» – 0:2, «شاحتەر» – «ماقتاارال» – 3:0.

22-23 ساۋىرگە (سەنبى, جەكسەنبى) جوس­پارلانعان VII تۋردا «توبىل» – «اق­توبە», «قايرات» – «ورداباسى», «قايسار» – «اس­تانا», «ماقتاارال» – «جەتىسۋ», «وقجەت­پەس» – «شاحتەر», «قىزىلجار» – «كاسپي» جانە «اتىراۋ» – «اقسۋ» كوماندالارى كەزدەسەدى.