شايبالى حوككەيدەن قازاقستان ۇلتتىق قۇراماسىنا جاڭا باس باپكەر تاعايىندالدى. بىرەر ايدان كەيىن فينليانديا مەن لاتۆيادا جالاۋى جەلبىرەيتىن الەمدىك دوداعا جەرلەستەرىمىزدى عالىم مامبەتاليەۆ باستاپ بارادى.
قازاقستاننىڭ شايبالى حوككەي فەدەراتسياسى مەن «بارىس» حوككەي كلۋبىنىڭ كەلىسىمى بويىنشا, ادەتتە ۇلتتىق قۇراما تىزگىنىن ەلوردالىق كوماندانىڭ تىزگىنىن ۇستاعان مامان جاتتىقتىرۋعا ءتيىس بولاتىن. الايدا ا.سكابەلكا بەلارۋس ازاماتى بولعاندىقتان, الەم چەمپيوناتىنا جىبەرىلمەيتىنى ناقتىلانىپ, جۋىردا وتكەن فەدەراتسيانىڭ جيىنىندا مامىر ايىنداعى الەم چەمپيوناتىنا ۇلتتىق قۇرامانى عالىم مامبەتاليەۆتىڭ جاتتىقتىراتىنى بەلگىلى بولدى.
ەندى ول جاھاندىق دوداعا دەيىنگى كورەيا قۇراماسىمەن وتەتىن جولداستىق كەزدەسۋگە, رەسەي مەن بەلارۋس حوككەيشىلەرىنىڭ قاتىسۋىمەن بولاتىن تۋرنيرگە جانە 2023 جىلعى الەم چەمپيوناتىندا ۇلتتىق قۇراماعا جەتەكشىلىك ەتەدى.