سەنات سپيكەرى ماۋلەن اشىمباەۆتىڭ توراعالىعىمەن پالاتا بيۋروسىنىڭ وتىرىسى ءوتتى. وندا دەپۋتاتتار 20 ساۋىردە وتەتىن سەنات وتىرىسىنىڭ كۇن ءتارتىبىن بەكىتتى, دەپ حابارلايدى Egemen.kz.
وتىرىستى اشقان ماۋلەن اشىمباەۆ سەناتورلاردىڭ وتكەن اپتادا رەسەي فەدەراتسياسىنا جاساعان ساپارىنا, سونىڭ بارىسىندا تمد ەلدەرىنىڭ دەپۋتاتتارىمەن بىرلەسىپ تالقىلانعان مىندەتتەرگە توقتالدى.
سونىمەن قاتار بيۋرو مۇشەلەرى پالاتانىڭ الداعى وتىرىسىنىڭ كۇن ءتارتىبىن بەكىتتى. سوعان سايكەس بەيسەنبى كۇنى سەناتورلار «قازاقستان رەسپۋبليكاسىنىڭ ۇكىمەتى مەن تۇرىكمەنستان ۇكىمەتى اراسىنداعى قازاقستان-تۇرىكمەنستان مەملەكەتتىك شەكاراسىنىڭ رەجيمى تۋرالى كەلىسىمدى راتيفيكاتسيالاۋ تۋرالى» زاڭدى قارايدى. بۇل كەلىسىم مەملەكەتتىك شەكارادا قازاقستان مەن تۇرىكمەنستان اراسىنداعى قاتىناستاردىڭ قۇقىقتىق نەگىزىن ءوزارا بەلگىلەۋدى جانە رەتتەۋدى كوزدەيدى.
سونداي-اق بيۋرو وتىرىسىندا بۇعان دەيىن ماجىلىستەن كەلىپ تۇسكەن زاڭدار جۇمىس ءۇشىن سەناتتىڭ كوميتەتتەرىنە ءبولىنىپ بەرىلدى.