ەڭبەك جانە حالىقتى الەۋمەتتىك قورعاۋ مينيسترلىگى مالىمەتىنشە, ناۋرىز ايىندا ەلەكتروندىق ەڭبەك بيرجاسىندا 73,5 مىڭ بوس جۇمىس ورنى جانە 63,5 مىڭ تۇيىندەمە ورنالاستىرىلعان. بوس ورىندار سانى اقپان ايىنا قاراعاندا 3 پايىزعا (1,9 مىڭ بوس جۇمىس ورنى), ال تۇيىندەمە – 35 پايىزعا (33,9 مىڭ) ازايعان, دەپ حابارلايدى Egemen.kz.
«ەڭبەك رەسۋرستارىن دامىتۋ ورتالىعى» اق (بۇدان ءارى – ەردو) ساراپشىلارى حابارلاعانداي, كادرلارعا ەڭ ۇلكەن قاجەتتىلىكتى ءبىلىم بەرۋ (13,9 مىڭ), باسقا دا قىزمەت تۇرلەرى (7,7 مىڭ) جانە دەنساۋلىق ساقتاۋ (3,4 مىڭ) سەكتورلارىنىڭ كاسىپورىندارى كورسەتتى.
«بۇل رەتتە سۇرانىستىڭ بىلىكتىلىك قۇرىلىمىندا ناۋرىز ايىندا وزگەرىستەر جوق. ياعني بىلىكتىلىگى تومەن ەڭبەككە جەتكىلىكتى تومەن سۇرانىس بولعان كەزدە جوعارى بىلىكتى ماماندارعا سۇرانىس تەندەنتسياسى ساقتالدى. بۇل ورنالاستىرىلعان بوس جۇمىس ورىندارىنىڭ تەك 20%-دان كەمى بولىپ وتىر. ورتا بىلىكتى جۇمىسشىلارعا سۇرانىس جوعارى بولىپ قالۋدا – ولار بوس جۇمىس ورىندارىنىڭ 40% - ىن قۇرادى. بۇل رەتتە سۇرانىس پەن ۇسىنىس اراسىندا تەڭگەرىمسىزدىك بايقالدى – ورتاشا بىلىكتىلىگى بار ىزدەنۋشىلەر ورنالاستىرىلعان بوس جۇمىس ورىندارىنىڭ جارتىسىنا جۋىعى بولدى, ال بىلىكتىلىگى تومەن ەڭبەك كورسەتەتىن ادامدار جۇمىس بەرۋشىلەرگە تالاپ ەتىلگەننەن ەكى ەسە كوپ بولدى», دەدى ەردو ستراتەگيا جانە ۇلكەن دەرەكتەر دەپارتامەنتى ديرەكتورىنىڭ ورىنباسارى ۇلپان شەگەنوۆا.
ناۋرىز ايىندا ەڭ كوپ سۇرانىسقا يە جۇمىسكەرلەردىڭ اراسىندا بىلىكتىلىگى جوقتارمەن قاتار جۇرگىزۋشىلەر (1,6 مىڭ), تاربيەشىلەر (1,5 مىڭ) جانە كۇزەتشىلەر (1,4 مىڭ بوس جۇمىس ورنى) بولدى. سونداي-اق سانيتارلار (1,3 مىڭ), مەدبيكە/مەيىرگەر (1,2 مىڭ) جانە بۋحگالتەرلەر (1,2 مىڭ بوس جۇمىس ورنى) سياقتى ماماندارعا قاتىستى جوعارى سۇرانىس ءالى دە بايقالادى.
«وتكەن ايدا جۇمىس ورىندارى ءۇشىن باسەكەلەستىك تەك بىلىكتىلىگى جوق جۇمىسشىلاردا عانا بايقالمادى. سونىمەن ماماندار اراسىندا زاڭگەرلەر (ىزدەنۋشىلەردىڭ تۇيىندەمەلەرىنىڭ سانى 432-گە ارتىق), الەۋمەتتىك قىزمەتكەرلەر (352 تۇيىندەمەدە) جانە دەنە شىنىقتىرۋ جانە سپورت مۇعالىمدەرى (250 تۇيىندەمەدە) جوعارى باسەكەلەستىككە تاپ بولدى», دەپ ءبولىستى ۇلپان شەگەنوۆا.