«Astana Qazaqstan Team» ۆەلوكومانداسىنىڭ كوشباسشىسى الەكسەي لۋتسەنكو يتالياداعى ءداستۇرلى «سيتسيليا تۋرىندا» جەڭىسكە جەتتى.
ءتورت كۇنگە جالعاسقان باسەكەنىڭ سوڭعى كەزەڭىندە مارە سىزىعىن ءبىرىنشى بولىپ كەسكەن وتانداسىمىز الەكسەي لۋتسەنكو جالپى ەسەپتە دە ۇزدىك شىقتى. 216 شاقىرىمعا جالعاسقان جارىستىڭ ەڭ قيىن جانە تاۋلى كەزەڭىن جەرلەسىمىز 5 ساعات 29 مينۋت 50 سەكۋند ىشىندە ءجۇرىپ ءوتتى. ودان كەيىنگى ورىندارعا وڭتۇستىكافريكالىق لۋيس مەينتدجەس («Intermarché – Circus – Wanty») پەن يتاليالىق ۆينچەنتسو البانەزە («EOLO-Kometa») جايعاستى.
جالپى ەسەپتە دە ءدال وسى ءۇش ۆەلوشاباندوزدىڭ مەرەيى ۇستەم بولدى. ال «استانا» ۆەلوكومانداسىنا بيىل عانا قوسىلسا دا, ەكى جارىستا ۇزدىكتەر قاتارىنان كورىنگەن بريتانيالىق مارك كاۆەنديش بۇل جولى 102-ورىندا قالىپ قويدى.