قازاقستاندىق اكتەر سانجار ءمادي فيلمدەر مەن سەريالداردىڭ تانىمال سەرۆيسى Netflix جوباسىنا قاتىسادى, دەپ حابارلايدى Egemen.kz.
الەۋمەتتىك جەلىلەردە Netflix اتاقتى ءامىر تەمىر تۋرالى فيلم ءتۇسىرىپ جاتقانى تۋرالى اقپارات تارادى.
فيلمدەگى رولدەردىڭ ءبىرى قازاقستاندىق اكتەر سانجار ماديگە بۇيىردى.
ء«يا, بۇل تەمىرلان تۋرالى جوبا. مەن دجاسۋردىڭ ءرولىن سومدايمىن. سيۋجەتتە ول ءبىر كەزدەرى تەمىرلاندى قۇتقارعان, سودان كەيىن ونىڭ جاقىن دوسىنا اينالعان سەرىگى بولادى. ءتۇسىرىلىم ءالى بولىپ جاتىر جانە مامىر ايىنا دەيىن جالعاسادى. ءبىز ءتۇسىرىلىمدى وزبەكستاندا, ەجەلگى حيۋا قالاسىندا باستادىق», دەدى ءمادي.
سونداي-اق اكتەر فيلم پلاتفورمادا قاشان شىعاتىنى ءالى بەلگىسىز ەكەنىن ايتتى. بۇعان دەيىن سانجار ءمادي ءتۇسىرىلىم كادرلارىمەن بولىسكەن ەدى.