قازاقستان ۇلتتىق بانكى ۇلتتىق قور اكتيۆتەرىن باسقارۋ جونىندەگى 2030 جىلعا دەيىنگى تۇجىرىمداماسىن ازىرلەدى. جوبا اشىق نقا پورتالىنا ورنالاستىرىلدى, دەپ حابارلايدى Egemen.kz.
«قۇجات پرەزيدەنت جارلىعىمەن بەكىتىلگەن قازاقستان رەسپۋبليكاسىنىڭ مەملەكەتتىك قارجىسىن باسقارۋدىڭ 2030 جىلعا دەيىنگى تۇجىرىمداماسىن ىسكە اسىرۋ جونىندەگى ءىس-شارالار جوسپارىن ىسكە اسىرۋ اياسىندا ازىرلەندى جانە ۇلتتىق قوردىڭ اكتيۆتەرىن باسقارۋ پروتسەسىن رەتتەيدى», دەلىنگەن ۇلتتىق بانكتىڭ ءباسپاسوز قىزمەتى تاراتقان اقپاراتتا.
قۇب ازىرلەگەن تۇجىرىمداما ينۆەستيتسيالىق ساياساتتى, ۇلتتىق قورداعى اكتيۆتەردى باسقارۋدىڭ نەگىزگى قاعيداتتارى مەن تاسىلدەرىن ايقىندايدى. ءوز كەزەگىندە ۇلتتىق قوردى قالىپتاستىرۋ جانە پايدالانۋ, ياعني, مەملەكەتتىك قارجىنى باسقارۋ ماسەلەلەرى مقبت ەرەجەلەرىمەن ايقىندالادى.
تۇجىرىمدامادا اكتيۆتەردى ستراتەگيالىق اللوكاتسيالاۋدى جۇزەگە اسىرۋ ءۇشىن قاجەتتى ۇلتتىق قور قاراجاتىن ۇزاقمەرزىمدى ينۆەستيتسيالاۋ قاعيداتى بەلگىلەنگەن. بۇل تاۋەكەلدى جانە قورعانىس اكتيۆتەر كلاسىن قۇرامداستىرىپ قولدانۋعا مۇمكىندىك بەرەدى. ۇلتتىق قورداعى جيناق پورتفەلىنىڭ ۇلەسى كەلەسىدەي بولىنەدى: 60% – وبليگاتسيالار, 30% – اكتسيالار, 5%-عا دەيىن – بالاما قۇرالدار جانە 5%-عا دەيىن – التىن.
جاڭاشا ءبولۋ وبليگاتسيالار پورتفەلىن دامىعان ەلدەردىڭ مەملەكەتتىك وبليگاتسيالارىنا, كورپوراتيۆتىك وبليگاتسيالارعا جانە دامۋشى ەلدەردىڭ مەملەكەتتىك وبليگاتسيالارىنا دا ءارتاراپتاندىرۋدى كوزدەيدى.
سونىمەن قاتار تۇجىرىمداما ينۆەستيتسيالىق پروتسەستىڭ نەگىزىن قالايدى جانە ۇلتتىق قورداعى اكتيۆتەردى باسقارۋ تيىمدىلىگىنىڭ كورسەتكىشتەرىن انىقتايدى. قۇجاتتا بەلگىلەنگەن قاعيداتتار مەن تاسىلدەر ينۆەستيتسيالىق پورتفەلدى ءارتاراپتاندىرۋ, قورعانىس ستراتەگيالارى مەن فاكتورلىق ينۆەستيتسيالاردى, سونىڭ ىشىندە ESG قولدانۋدى قوسا العاندا, نەگىزگى ستراتەگيالار مەن قۇرالداردى ايقىنداۋ ارقىلى ۇلتتىق قوردىڭ كىرىستىلىگىن ارتتىرۋعا باعىتتالعان.
وسىلايشا, تۇجىرىمدامانى ازىرلەۋدەگى ماقسات – قۇب-تىڭ ۇزاقمەرزىمدى ينستيتۋتسيونالدىق ينۆەستور رەتىندەگى مارتەبەسىن راستاۋ ءۇشىن قاجەتتى ىرگەتاستى نىعايتۋ جانە نەگىزدەردى بەكىتۋ. تۇجىرىمدامانى ىسكە اسىرۋ, ياعني, وندا بەلگىلەنگەن شەكتەۋلەردى, قاعيداتتار مەن تاسىلدەردى ساقتاۋ 2030 جىلعا قاراي 100 ميلليارد اقش دوللارىن جيناقتاۋ ماقساتىنا قول جەتكىزۋگە جانە «ۇلتتىق قور – بالالارعا» باعدارلاماسىنىڭ تابىستى جۇمىس ىستەۋىنە ىقپال ەتەدى.