قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ ەكۆادور سىرتقى ىستەر ءمينيسترى ريكاردو ارماندو پاتينو اروكانى قابىلدادى, دەپ حابارلادى سەناتتىڭ ءباسپاسوز قىزمەتى.
ق.توقاەۆ ەكۆادوردىڭ سىرتقى ساياسات ۆەدومستۆوسى باسشىسىنىڭ ساپارى ەكى ەل اراسىنداعى ءوزارا ءتيىمدى ىنتىماقتاستىققا جاڭا سەرپىن بەرەتىنىن اتاپ ءوتتى. ول قازاقستان پارلامەنتىنىڭ ەكۆادور ۇلتتىق جينالىسىمەن تىعىز قارىم-قاتىناس ورناتۋعا ىقىلاستى ەكەنىن اتاپ ءوتىپ, ەكۆادورلىق پارلامەنتشىلەردى استاناعا كەلۋگە شاقىردى.
قازاقستان سەناتىنىڭ باسشىسى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولۋىنا وراي ءبىزدىڭ ەلىمىزدىڭ كانديداتۋراسىن ەكۆادوردىڭ قولدايتىنىنا سەنىم ءبىلدىردى, سونداي-اق, ەكۆادورلىق كومپانيالاردى حالىقارالىق ەكسپو-2017 كورمەسىنە قاتىسۋعا شاقىردى.