قازاقتىڭ ارالاس جەكپە-جەك شەبەرى جالعاس جۇماعۇلوۆ 6 مامىردا اقش-تىڭ نيۋ-دجەرسي شتاتىنداعى نيۋارك قالاسىندا وتەتىن UFC 288 تۋرنيرىندە ناتان مانەسپەن كۇش سىناسۋعا ءتيىس ەدى.
وسى اپتانىڭ باسىندا امەريكالىق سپورتشىنىڭ جاراقات العانى بەلگىلى بولدى. سودان UFC-ءدىڭ باسشىلارى ونى دەرەۋ رافاەل ەستەۆاممەن الماستىردى. 26 جاستاعى برازيليانىڭ فايتەرى وسى سپورت تۇرىمەن 2015 جىلدان بەرى شۇعىلدانادى. سول ارالىقتا 11 كەزدەسۋ وتكىزىپ, بارلىعىندا جەڭىسكە جەتتى. سول باسەكەلەردىڭ جەتەۋىندە ايقىن باسىمدىق تانىتتى. بۇل – ەستەۆامنىڭ الەمدەگى ەڭ بەلدى پروموۋشەنىندەگى تۇساۋكەسەر كەزدەسۋى.
ال جالعاستىڭ ءجۇرىپ وتكەن جولى قازاق جانكۇيەرلەرىنىڭ كوز الدىندا. 34 جاستاعى قانداسىمىز وكتاگونعا 22 رەت شىعىپ, 14 رەت جەڭىسكە جەتتى, سەگىز قارسىلاسىن ەسىنەن تاندىردى.