ەلوردا كۇنى مەرەكەسى قارساڭىندا, ياعني كەشە ورتالىق كوممۋنيكاتسيالار قىزمەتىندە «استانانى دامىتۋداعى كاسىپكەرلەردىڭ ءرولى» دەگەن تاقىرىپتا استانا قالاسى كاسىپكەرلەر پالاتاسىنىڭ توراعاسى مەيىربەك ءماجيتوۆ پەن «استانا قالاسى كاسىپكەرلەرىنىڭ قۇقىن قورعاۋ جونىندەگى اسسوتسياتسياسى» زتۇ پرەزيدەنتى, كاسىپكەرلەر پالاتاسى وڭىرلىك كەڭەسىنىڭ مۇشەسى پاۆەل كازانتسەۆتىڭ قاتىسۋىمەن بريفينگ بولىپ ءوتتى.
استانا تەك استانالىقتاردىڭ عانا مەرەيى ەمەس, ەلىمىزدىڭ ءاربىر ازاماتى ءۇشىن ماڭىزدى, دەگەن م.ءماجيتوۆ ەلىمىز دامۋىنىڭ لوكوموتيۆىنە اينالىپ وتىرعان ەلوردا قۇرىلىس, كولىك, ازىق-ت ۇلىك جانە باسقا دا سالالاردىڭ قارقىندى دامۋىنا ۇلەس قوسۋدا ەكەندىگىنە توقتالدى. بۇل رەتتە استانا قالاسى كاسىپكەرلەر پالاتاسىنىڭ اشىلۋى ەلوردا كاسىپكەرلەرى ءۇشىن اسا ماڭىزدى وقيعالاردىڭ ءبىرى بولعان. ەلورداداعى كاسىپكەرلىكتى دامىتۋعا ارنالعان بۇل پالاتا مەملەكەت پەن جەكە مەنشىكتىڭ سەرىكتەس بولۋى نيەتىن دالەلدەپ وتىر. پالاتا قىزمەتىنىڭ ستراتەگياسى, ەڭ الدىمەن, ەلباسىنىڭ كاسىپكەرلەر الدىنا قويعان ماقساتتارىن جۇزەگە اسىرۋ.
م.ءماجيتوۆتىڭ ايتۋىنشا, قازىرگى تاڭدا ەلوردادا 56 مىڭعا جۋىق كاسىپكەر بەلسەندى جۇمىس اتقارۋدا. بۇل – وتكەن جىلمەن سالىستىرعاندا 17 پايىزعا كوپ. ال ولاردىڭ وڭىرلىك جالپى ونىمدەگى ۇلەسى 60 پايىزعا جەتسە, قالا بيۋدجەتى ءتۇسىمىنىڭ 67 پايىزى سولاردىڭ ەنشىسىندە ەكەن.
وتكەن جىلدىڭ قورىتىندىسى بويىنشا ءونىم ءوندىرۋ 1 تريلليون 200 ميلليارد تەڭگەگە جەتكەندىگى دە العا تارتىلدى. قالالىق كاسىپكەرلەر پالاتاسى توراعاسىنىڭ پايىمىنشا, بۇل ەلوردادا ورتا جانە شاعىن بيزنەس سالاسىن دامىتۋدا ايتارلىقتاي الەۋەت بار ەكەندىگىن كورسەتەدى. ءوز كاسىپتەرىن جاڭادان باستاعان كاسىپكەرلەرگە پالاتا قالالىق اكىمدىكپەن جانە «دامۋ» قورىمەن بىرلەسە وتىرىپ, استانا قالاسى كاسىپكەرلەرگە قىزمەت كورسەتۋ ورتالىعىن اشىپ بەرسە, 6 ايدىڭ ىشىندە وعان 1100 كاسىپكەر وتىنىشپەن كەلىپتى جانە دە 300-گە تارتا كەڭەس بەرىلگەن.
كاسىپكەرگە «ءبىر تەرەزە» قاعيداتى بويىنشا تولىق پاكەتتى قىزمەت كورسەتۋ قولعا الىنىپتى. بۇدان باسقا, قالالىق كاسىپكەرلەر پالاتاسى وتاندىق كاسىپكەرلەر مەن شەتەلدىك ينۆەستورلار ءۇشىن www.astana2050.kz. بيزنەس پورتالىن اشقان كورىنەدى. جانە دە 1600 كاسىپكەردى قامتىعان 30-عا تارتا وقىتۋ باعدارلامالارى جۇزەگە اسىرىلعان. پالاتا توراعاسى مۇنى استانالىقتار اراسىندا كاسىپكەرلىككە دەگەن قىزىعۋشىلىقتىڭ ارتىپ كەلە جاتقاندىعىمەن ءتۇسىندىردى. ونىڭ ءسوزىنەن بەلگىلى بولعانداي, قازىرگى كەزدە قالالىق پالاتا «استانادا جاسالعان» دەگەن تاۋارلار جيىنتىعىن جاريالاي باستاپتى. وسىلايشا, ۇيىمداستىرۋشىلار ەلوردالىق ونىمدەردى جەرگىلىكتى جەردە عانا ەمەس, حالىقارالىق رىنوكتارعا شىعارۋدى ماقسات ەتىپ وتىرعاندىقتارىن جەتكىزدى.
سونىمەن قاتار, پالاتا «بيزنەستىڭ جول كارتاسى-2020» باعدارلاماسى شەڭبەرىندە جىل سوڭىنا دەيىن 1500 كاسىپكەرگە سەرۆيستىك قىزمەت كورسەتۋ باعىتىندا قولداۋ بىلدىرەتىندىگى اتاپ ايتىلدى.
پالاتانىڭ تاعى ءبىر باسىم ماقساتتارىنىڭ ءبىرى – ادام كاپيتالىن دامىتۋ. بيزنەستىڭ بىلىكتى ماماندارعا دەگەن سۇرانىسىن قاناعاتتاندىرۋ ماقساتىندا ول ەلوردالىق بيزنەسمەندەرمەن بىرلەسىپ, قالاداعى مەملەكەتتىك قۇرىلىس-تەحنيكالىق كوللەدجى بازاسىندا رەسۋرستىق-تەحنولوگيالىق ورتالىق اشىپتى. قازىرگى تاڭدا ەلوردادا قارقىندى ءجۇرىپ جاتقان قۇرىلىس سالاسىندا سۇرانىس پەن ۇسىنىستىڭ اراسىندا ايىرماشىلىق بار ەكەنىن جارتىجىلدىق باقىلاۋدىڭ ناتيجەسىندە انىقتاۋ مۇمكىن بولسا, ەندى اقىلى تۇردە وقىتىلعان ماماندار سول ورىنداردى يەلەنبەك ەكەن.
تاعى ءبىر بەلگىلى بولعانى, پالاتانىڭ ۇيىتقىسىمەن قالا كۇنىن تويلاۋ شەڭبەرىندە «قازاق ەلى» الاڭىندا 5-7 شىلدەدە «شۋاقتى قالا» فەستيۆالى وتەدى دەپ كۇتىلۋدە. كاسىپكەرلەردىڭ ءوز برەندتەرىن پاش ەتۋ جانە ونىمدەرىن ساۋداعا شىعارۋ ءۇشىن الاڭدار تەگىن بەرىلىپ وتىرعاندىعى دا اتاپ كورسەتىلدى. ەندى قالالىق كاسىپكەرلەر ءۇشىن ءوزىنىڭ ساپالى ونىمدەرىن وتكىزۋدە جانە قىزمەت كورسەتۋدە ۇلكەن مۇمكىندىكتەر اشىلۋدا. ەلوردادا قالالىق كاسىپكەرلەرمەن وتكەن جيىندا قالا اكىمى يمانعالي تاسماعامبەتوۆ ۇزدىك كاسىپكەرلەردى انىقتايتىن كونكۋرس وتكىزۋ تۋرالى ۇسىنىس ايتسا, ونى باسشىلىققا العان استانا كاسىپكەرلەر پالاتاسى «ۇزدىك ينۆەستور», «ۇزدىك مەتسەنات» جانە «ۇزدىك كاسىپكەر» نوميناتسيالارى بويىنشا كاسىپكەرلەر اراسىندا كونكۋرس وتكىزگەندىگىن قاپەرگە سالا كەتكەن ءجون. ال ونىڭ قورىتىندىسى 5 شىلدە كۇنى ەلباسىنىڭ قاتىسۋىمەن وتەتىن سالتاناتتى جيىندا جاريالاناتىن بولادى.
پ.كازانتسەۆ بۇگىنگى تاڭدا اكىمشىلىك كەدەرگىلەردىڭ كەمىپ كەلە جاتقاندىعى كاسىپكەرلىككە دەگەن قىزىعۋشىلىقتى ارتتىرىپ وتىر دەگەن كوزقاراسىمەن ءبولىستى.
اسقار تۇراپباي ۇلى,
«ەگەمەن قازاقستان».