پرەمەر-مينيستر ءاليحان سمايىلوۆ جاڭا ەنەرگەتيكا ءمينيسترى الماسادام ساتقاليەۆتەن قازاقستاننىڭ جىلۋ ەلەكتر ورتالىقتارىندا جوندەۋ جۇمىستارى ناقتى باستالاتىن كۇندى سۇرادى, دەپ حابارلايدى Egemen.kz.
ساتقاليەۆ بارلىق دەرلىك جەو بويىنشا جوندەۋ جۇمىستارىنا قاجەتتى قۇرال-جابدىقتار ساتىپ الىنىپ جاتقانىنا سەندىردى.
«ەگەر كەستە بويىنشا ايتساق, ەۋرازيالىق ەنەرگەتيكالىق كورپوراتسيانىڭ ماەس №8 ەنەرگوبلوگىندا, سونداي-اق پەتروپاۆل جەو, «سەۆكازەنەرگو», اتىراۋ جەو, «ارسەلورميتتال تەمىرتاۋ» اق جەو, جەزقازعان جەو, «قاراشىعاناق پەترولەۋم وپەرەيتينگ» جەو-دا كۇردەلى جوندەۋ جۇرگىزىلىپ جاتىر», دەدى ساتقاليەۆ ۇكىمەت وتىرىسىندا.
جاڭا مينيستر جوندەۋ جۇمىستارىنىڭ باستالۋى مەن اياقتالۋىنا قاتىستى جاعداي ەنەرگەتيكا مينيسترلىگىنىڭ تۇراقتى باقىلاۋىندا ەكەنىنە سەندىردى.
«15 ساۋىردە «تارازەنەرگوتسەنتر» اق جەو-4, 21 ساۋىردەن باستاپ قاراعاندى جەو-3, «قاراعاندى ەنەرگوتسەنتر» جشس, ماەك جشس جەو-2 جانە باسقا دا ەلەكتر ستانتسيالارىندا, سونىڭ ىشىندە «سامرۋك ەنەرگو» ماەس-تا جوندەۋ جۇمىستارى باستالادى», دەپ تۇيىندەدى مينيستر.