تارازدا ءىىم ۇيىمداسقان قىلمىسقا قارسى كۇرەس دەپارتامەنتى جامبىل وبلىسى پوليتسيا دەپارتامەنتىمەن جانە ۇقك قىزمەتكەرلەرىمەن بىرلەسىپ, پروكۋراتۋرانىڭ ۇيلەستىرۋىمەن ۇزاق مەرزىمدى ازىرلەۋ جانە جەدەل-تەرگەۋ ءىس-شارالارىنىڭ كەشەنى بارىسىندا تۇراقتى نەگىزدە ارەكەت ەتكەن قىلمىستىق توپتىڭ جولىن كەستى, دەپ حابارلايدى Egemen.kz Polisia.kz سايتىنا سىلتەمە جاساپ.
بۇعان دەيىن ۆەدومستۆونىڭ جەدەل قىزمەتكەرلەرىنىڭ نازارىنا بىرنەشە رەت بوپسالاۋعا, قىلمىستىق تەكەتىرەستەرگە, قالا مەن وبلىس اۋماعىنداعى كاسىپكەرلەردەن قارىزداردى قايتارۋعا قاتىسقان توپ تۇسكەن بولاتىن.
قىلمىستىق توپتىڭ جەتەكشىسى سوڭعى كەزدەرى ءوزىن قوعام بەلسەندىسى رەتىندە كورسەتىپ, جاستاردى تاربيەلەۋ جونىندەگى پاتريوتتىق قوزعالىستىڭ اتىن جامىلىپ «قايىرىمدىلىق قوعامدىق قورىن» قۇرعان.
ول ءوزىنىڭ قىلمىستىق بەدەلىن «ادىلەتتىلىكتى جاقتاۋشى» – بلوگەر يميدجىنە تۇبەگەيلى وزگەرتىپ, الەۋمەتتىك جەلىلەردە بەلسەندى بولا باستاعان.
ءوز قورىنا ەرىكتى جارنالار تۇرىندە قىلمىستىق «قامقورلىعى» ءۇشىن كاسىپكەرلەردەن اقشا بوپسالاپ وتىرعان. بۇعان كەلىسپەگەندەرگە كۇش قولدانعان.
«پوليتسياعا توپتىڭ توعىز مۇشەسى جەتكىزىلدى, 20-دان استام ءتىنتۋ جۇرگىزىلىپ, «قاڭتار» وقيعاسى كەزىندە وبلىستىق پوليتسيا دەپارتامەنتىنەن ۇرلانعان «كالاشنيكوۆ» اۆتوماتى, ەكى «ماكاروۆ» تاپانشاسى, مىلتىق, تراۆماتيكالىق تاپانشا مەن باسقا دا سۋىق قارۋ تاركىلەندى. سونىمەن قاتار قىلمىستىق توپتان ەكى كەلىدەن استام ەسىرتكى تاركىلەندى. قىلمىستىق توپقا قاتىسۋشىلارعا قاتىستى بوپسالاۋ, قارۋ مەن ەسىرتكىنى زاڭسىز ساقتاعانى ءۇشىن 12 قىلمىستىق ءىس قوزعالدى. كۇدىكتىلەر ۋاقىتشا ۇستاۋ يزولياتورىنا قامالدى. تەرگەۋ جالعاسۋدا», دەدى قر ءىىم ۇيىمداسقان قىلمىسقا قارسى كۇرەس دەپارتامەنتىنىڭ باسقارما باستىعى قۋاندىق الپىس.