سەنات سپيكەرى ماۋلەن اشىمباەۆتىڭ توراعالىعىمەن پالاتا بيۋروسىنىڭ وتىرىسى ءوتتى. وندا ءVIIى سايلانعان پارلامەنتتىڭ ءى سەسسياسىنا ارنالعان سەناتتىڭ نەگىزگى ءىس-شارالار جوسپارى جانە 11 ساۋىردە وتەتىن پالاتانىڭ كەزەكتى وتىرىسىنىڭ كۇن ءتارتىبى بەكىتىلدى.
ءوز سوزىندە ماۋلەن اشىمباەۆ جۇمىس جوسپارى مەملەكەت باسشىسىنىڭ سەسسيانىڭ اشىلۋىندا بەرگەن تاپسىرمالارىنا سايكەس دايىندالعانىن اتاپ ءوتتى. سونداي-اق ول ەل پرەزيدەنتى بەلگىلەپ بەرگەن مىندەتتەردى ساپالى ءارى ۋاقتىلى ىسكە اسىرۋ ءۇشىن زاڭ شىعارۋ ۇدەرىسى بارىنشا اشىق جانە ينكليۋزيۆتى تۇردە جۇرگىزىلۋى كەرەكتىگىن تىلگە تيەك ەتتى. سوعان بايلانىستى سەنات سپيكەرى پالاتانىڭ كوميتەت توراعالارىنا ءوز سالالارى بويىنشا وسى باعىتتاعى جۇمىستى جانداندىرۋدى تاپسىردى.
«سەناتتىڭ جوسپارىندا ءVIIى شاقىرىلىمداعى پارلامەنتتىڭ ءى سەسسياسىنىڭ اشىلۋىندا مەملەكەت باسشىسىنىڭ جۇكتەگەن مىندەتتەرى مەن جولداۋىندا بەرىلگەن تاپسىرمالارى ەسكەرىلگەن. سونداي-اق كوميتەتتەردىڭ ۇسىنىستارى دا نازارعا الىندى. سەناتورلار وتكىزەتىن ءار ءىس-شارانىڭ ناقتى ناتيجەسى بولۋعا ءتيىس. كەزدەسۋلەر مەن جينالىستاردا تەك مۇددەلى ورتالىق مەملەكەتتىك ورگاندارمەن شەكتەلمەي, تالقىلاۋعا عالىمداردى, قوعامدىق كومەكشىلەردى, ساراپشىلاردى جانە بيزنەس وكىلدەرىن جۇمىلدىرۋ قاجەت. جەرگىلىكتى باسقارۋ ورگاندارىن دا ءىس-شارالارىمىزعا كەڭىنەن شاقىرعان ءجون. ويتكەنى الدىمىزدا اۋقىمدى مىندەتتەر تۇر, اتقاراتىن جۇمىس كوپ», دەدى ماۋلەن اشىمباەۆ.
سونىمەن قاتار بيۋرو مۇشەلەرى پالاتانىڭ الداعى وتىرىسىنىڭ كۇن ءتارتىبىن بەكىتتى. وندا سەناتورلار «قازاقستان رەسپۋبليكاسىنىڭ ۇكiمەتi مەن توتەنشە جاعدايلار جانە دۇلەي ءزىلزالالاردىڭ قاۋىپ-قاتەرىن ازايتۋ جونىندەگى ورتالىق اراسىنداعى قازاقستان رەسپۋبليكاسىنىڭ اۋماعىندا ونىڭ بولۋ شارتتارى تۋرالى كەلىسىمدى راتيفيكاتسيالاۋ تۋرالى» زاڭدى قارايدى. كەلىسىمدە كوزدەلگەن مىندەتتەردى ورىنداۋى ءۇشىن اتالعان حالىقارالىق ۇيىمنىڭ قازاقستان رەسپۋبليكاسىنىڭ اۋماعىندا بولۋىنا قاجەتتى جاعدايلاردى قامتاماسىز ەتۋ ماسەلەسى قاراستىرىلعان.