بۇل تۋرالى قاسىم-جومارت توقاەۆ ازەربايجان پرەزيدەنتىمەن وتكەن كەزدەسۋدە ايتتى. ءوز كەزەگىندە يلحام اليەۆ باۋىرلاس قازاق حالقىنا العىس ءبىلدىردى, دەپ حابارلايدى Egemen.kz.
يلحام اليەۆ قازاقستان پرەزيدەنتىنە شاقىرتۋى ءۇشىن جانە اكەسى گەيدار اليەۆتى ەسكە الىپ, قۇرمەت كورسەتىپ جاتقانى ءۇشىن العىس ءبىلدىردى.
«باۋىرلاس ەل قازاقستانعا كەلگەنىمە جانە ىنتىماقتاسىمىزدىڭ جالعاسىپ جاتقانىنا قۋانىشتىمىن. بۇگىن كەزدەسۋدە اتاپ وتكەنىڭىزدەي, ءبىز قابىلداعان شەشىمدەر جۇزەگە اسىپ جاتىر. سونىمەن قاتار مەنىڭ رەسمي ساپارىمدا قابىلدانعان شەشىمدەر دە الداعى ۋاقىتتا جۇزەگە اسا بەرەدى دەپ ۇمىتتەنەمىن. سونىمەن قاتار مەن ءوز اتىمنان گەيدار اليەۆتى ەسكە الىپ, ونىڭ ەسىمىن استاناداعى كوشەلەردىڭ بىرىنە بەرىپ جاتقاندارىڭىز ءۇشىن العىسىمدى ايتقىم كەلەدى. مەنىڭ اكەمە قۇرمەت كورسەتىپ, ەسكە الىپ جاتىرسىزدار», دەپ اتاپ ءوتتى ازەربايجان پرەزيدەنتى يلحام اليەۆ.