ينفلياتسيانىڭ باسەڭدەۋ ءۇردىسى: وتكەن ايدا جەتى ءتۇرلى ازىق-ت ۇلىك ءونىمى ارزاندادى

ال اتالعان ايدىڭ سوڭعى اپتاسىندا باعا كارتوپقا 0,7 پايىزعا, پيازعا 0,3 پايىزعا, اق قىرىققاباتقا 0,1 پايىز­عا, قاراقۇمىق جارماسىنا 1,3 پايىز­عا, كۇنباعىس مايىنا 1,1 پايىزعا جانە تۇيىرشىكتەلگەن قانت 0,8 پايىزعا تومەن­دەگەن. وكىنىشتىسى ءبىرىنشى سۇرىپتى بيداي ۇنى جانە ودان جاسالعان نان, تاۋىق ەتى, ال مايلىلىعى 2,5 پايىز بولاتىن پاس­تەر­لەنگەن ءسۇت سياقتى الەۋمەتتىك ماڭىزى بار ونىمدەردىڭ قۇنى وزگەرىسسىز قالدى.

وتكەن جىلدىڭ وسى كەزەڭىمەن سالىس­تىرا قاراساق, كورىنىس مۇلدەم باسقاشا بولدى. ماسەلەن, بىلتىرعى وسى ايدىڭ سوڭعى اپتاسىندا كارتوپ بىردەن 2,6 پايىز­­عا, ال اي باسىنان بەرى – 15 پايىزعا, ءسابىز – 3,9 پايىزعا قىمباتتادى. اي باسىنان ەسەپتەگەندە 14,7 پايىزعا, ال پياز – اپتاسىنا 12,2 پايىزعا, اي باسىنان قاراساق 32,2 پايىزعا باعاسى كوتەرىلگەن. قانت ناۋرىزدىڭ سوڭعى اپتاسىندا 1 پايىزعا, ال اي باسىنان ەسەپتەسەك 35 پايىز­عا ءبىر-اق قىمباتتاپتى.

وسىلايشا, بيىلعى ناۋرىز بىلتىر­عى­مەن سالىستىرعاندا وتە جاقسى وڭ ءۇر­­دىستى كورسەتىپ وتىر. وڭىرلەردەگى تۇراق­تان­دىرۋ قورلارىنان كوكونىستەردى ەسەپ­پەن شىعارۋ ءىس-شاراسى ۇكىمەتتىڭ الدا­عى ماۋسىمارالىق كەزەڭدەردەگى اتقا­رى­لاتىن جۇمىستارىنا وڭ ناتيجە بەرىپ جا­تىر. ەستەرىڭىزگە سالا كەتەيىك, پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين اقپان ايىندا كوكونىستەرگە تاۋارلىق ينتەرۆەنتسيالار جانە NWFP باعاسىن تۇراقتاندىرۋعا باعىتتالعان باسقا دا ءىس-شارالار باستالعانىن ايتقان ەدى. سون­داي-اق, قانت ونەركاسىبىنە دە قول­­داۋ كورسەتەتىنىن مالىمدەگەن بولا­تىن. وت­كەن ناۋرىز ايىنا قاراساق, اتال­عان يگى ءىس-شارالاردىڭ ناتيجەسى انىق كورىنىپ تۇر.

تۇتاستاي العاندا, 2023 جىلدىڭ 1-28 ناۋرىزى ارالىعىنداعى, ياعني ءتورت اپتا ىشىندە NWFP باعاسى 0,4 پايىزعا ءوستى. ايدىڭ سوڭعى اپتاسىندا كورسەتكىش 0,1 پايىزبەن ءىس جۇزىندە وزگەرىسسىز قالدى. سالىستىرۋ ءۇشىن: وتكەن جىلدىڭ ناۋ­رىز ايىندا ازىق-ت ۇلىك باعاسى بىردەن 9,1 پايىز­عا وسكەن بولاتىن.

رەسپۋبليكانىڭ مەگاپوليستەرى مەن وبلىس ورتالىقتارىندا جاعداي كەلەسىدەي: ناۋرىزدىڭ سوڭعى اپتاسىندا اتىراۋ مەن ورالدا باعا 0,1 پايىزعا تومەندەدى. ال استانا, اقتوبە, اتىراۋ, قوستاناي, وسكەمەن, پەتروپاۆل جانە تالدىقورعان قالالارىندا باعا وزگەرىسسىز قالدى. ءبىر قىزىعى, جالپى باعانىڭ تومەندەۋى باي­قال­­عان وڭىرلەردىڭ قاتارىندا ماڭعىستاۋ وبلىسى دا بار. كارى تۇبەكتە بۇعان دەيىن ازىق-ت ۇلىك باعاسى تەك قانا كوتەرىلە بەرەتىن ەدى عوي.

اتاپ ايتقاندا, ءبىر اپتادان بەرى كارتوپ اقتاۋ, اقتوبە, اتىراۋ, جەزقازعان, كوكشەتاۋ, قاراعاندى, قوناەۆ, قوستاناي جانە قىزىلوردا قالالارىندا ارزاندادى. پياز باعاسى استانا, جەزقازعان, قوستاناي, قىزىلوردا, ورال جانە تۇركىستاندا, قىرىققابات استانا, اقتوبە, جەزقازعان, قوناەۆ جانە قىزىلوردا قالالارىندا تومەندەدى.

جالپى قاراعاندا ازىق-ت ۇلىك سەگمەن­تىندەگى باعانىڭ تۇپكىلىكتى وسۋىنە تاسق قۇنى بويىنشا وڭ جاعداي اسەر ەتتى: وسىلايشا, ازىق-ت ۇلىك تاۋارلارى باعاسىنىڭ ءوسۋى ناۋرىزدا اقپانداعى 1,5 پايىزعا جانە قاڭتارداعى 1,4 پايىزعا قارسى 1,1 پايىزدى قۇرادى.

وسىنىڭ ءبارىنىڭ ناتيجەسىندە ناۋ­رىزدا اي سايىنعى نەگىزگى ينفلياتسيا 0,9 پايىز­دى قۇرادى. بۇل 2022 جىلدىڭ اقپان ايىنان بەرى ء(بىر جىلدان استام) ايلىق تۇتىنۋ باعاسىنىڭ ەڭ تومەنگى ءوسىمى.

ءبارىمىزدى قۋانتىپ وتىرعانى جىلدىق ينفلياتسيا قارقىنى ايتارلىقتاي تومەن­­دەدى: اقپانداعى 21,3 پايىزعا جانە قاڭتار­داعى 20,7 پايىزعا قارسى بيىلعى جىل­دىڭ ناۋرىزىندا 18,1 پايىزعا دەيىن باسەڭدەدى.

ايتا كەتەيىك, پرەمەر-مينيستر ءالي­حان سمايىلوۆتىڭ ناۋرىزدا قازاق­ستاندا ينفلياتسيا تومەندەي باستايدى دەگەن بولجا­مى شىندىققا اينالدى. ۇكىمەت باسشىسى ءسوزىن ءدال وسى جىلدىڭ قاڭتار ايىندا ايتقان بولاتىن.