اباي ۋنيۆەرسيتەتىنىڭ دوكتورانتى, جاس عالىم ەرلان يساقوۆ باستاعان زەرتتەۋ توبى گەوگرافيا مۇعالىمدەرىنىڭ سىنىپتان تىس تۋريستىك-ولكەتانۋ قىزمەتىندە ءموبيلدى گەوگرافيالىق اقپاراتتىق جۇيە قوسىمشالارىن قولدانۋدىڭ تيىمدىلىگىن دالەلدەدى.
ۋنيۆەرسيتەت قارجىلاندىرعان «بولاشاق گەوگرافيا مۇعالىمدەرىنىڭ تۋريستىك-ولكەتانۋ قۇزىرەتىن قالىپتاستىرۋدىڭ قۇرىلىمدىق مودەلىن جاساۋ ارقىلى ولكەتانۋدى ۇيىمداستىرۋ» جوباسى اياسىندا iOS, Microsoft Windows, Mac OS X (iTunes) وپەراتسيالىق جۇيەلەرى مەن App Store جانە Google Play پلاتفورمالارىنداعى ءموبيلدى گەوگرافيالىق اقپاراتتىق جۇيە قوسىمشالارىنا زەرتتەۋ جۇرگىزىلگەن. ە.يساقوۆ باستاعان زەرتتەۋ توبى (ش.لايسحانوۆ جانە ن.ۇسەنوۆ) تۋريستىك-ولكەتانۋ سالاسىنداعى جۇمىستاردى ۇيىمداستىرۋ مەن جۇرگىزۋدە پايدالانۋعا بولاتىن Google Play-دەن 250-گە جۋىق جانە App Store-دان 150-گە جۋىق قوسىمشانى انىقتاعان.
زەرتتەۋ توبى سمارتفونعا جۇكتەۋگە بولاتىن ءموبيلدى گەوگرافيالىق اقپاراتتىق جۇيە قوسىمشالارىنىڭ فۋنكتسيونالدىعى مەن ارتىقشىلىقتارىن بەس توپقا جىكتەپ, بولاشاق گەوگرافيا مۇعالىمدەرىنىڭ تۋريستىك-ولكەتانۋ قۇزىرەتتىلىگىن قالىپتاستىرۋدىڭ مودەلىن جاساقتادى. سونداي-اق تۋريستىك-ولكەتانۋ ءىس-ارەكەتتەرىن ۇيىمداستىرۋ جانە جۇرگىزۋ ءۇشىن وقۋ باعدارلاماسىن جانە وقىتۋ تەحنولوگياسىن ازىرلەپ, تيىمدىلىگىن دالەلدەپ شىقتى.
جوبا اياسىندا ە.يساقوۆ ىستانبۇلداعى (تۇركيا) «Rimar Academy» مەن ماجارستان اۋىل شارۋاشىلىعى جانە جاراتىلىستانۋ عىلىمدارى ۋنيۆەرسيتەتىنىڭ «تۇراقتى تۋريزم» دەپارتامەنتىندە بولىپ زەرتتەۋ تاجىريبەسىن جۇرگىزدى. سونىمەن قاتار زەرتتەۋ ناتيجەلەرى Scopus بازاسىندا يندەكستەلەتىن Geojournal of Tourism and Geosites (69-پروتسەنتيل) جۋرنالىندا جانە ءتيىستى مينيسترلىكتىڭ عىلىم جانە جوعارى ءبىلىم سالاسىنداعى ساپانى قامتاماسىز ەتۋ كوميتەتى ۇسىنعان باسىلىمدا جاريالاندى.
الماتى