قازاقستاندىقتار اندرەي گولۋبەۆ پەن الەكساندر نەدوۆەسوۆ جۇپتىق سىندا اقش-تا ءوتىپ جاتقان حيۋستون ATP 250 ءتۋرنيرىنىڭ فينالىنا شىعا المادى, دەپ حابارلايدى Egemen.kz.
قازاقستاندىق جۇپ جارتىلاي فينالدا اۋستراليالىق ماكس پيورسەلل مەن دجوردان تومپسونمەن كۇش سىناستى.
ەكى سەت تە تاي-برەيكپەن اياقتالىپ, وندا اۋستراليالىق دۋەت ساتتىرەك وينادى – 7:6 (8:6), 7:6 (7:5).
ەكى ساعاتقا سوزىلعان تارتىستى باسەكە بارىسىندا قازاقستاندىقتار 1 ەيسپەن بىرگە 6 برەيك-پوينتتىڭ ەكەۋىن پايدالاندى. قارسىلاستارى 5 ەيس, 2 برەيكپەن (4 برەيك-پوينت) كوزگە ءتۇستى.
اۋستراليالىق جۇپ سوڭعى ماتچتا ۇلىبريتانيا وكىلدەرى دجۋليان كەش پەن ەنري پاتتەنمەن باس جۇلدەنى ساراپقا سالادى.