بيىلعى كوكتەمدە قر قارۋلى كۇشتەرىنىڭ قاتارىن شىعىسقازاقستاندىقتار تولىقتىرادى.
وسكەمەندەگى دوستىق ءۇيى – قوعامدىق كەلىسىم ورتالىعىنىڭ كونتسەرت زالىندا شىعىس قازاقستان وبلىسىندا جىل سايىن قازاقستان رەسپۋبليكاسىنىڭ قارۋلى كۇشتەرىنە, باسقا دا اسكەرلەرى مەن اسكەري قۇرالىمدارىنا ازاماتتاردى مەرزىمدى اسكەري قىزمەتكە شاقىرۋ كەزەڭىندە «اسكەرگە شاقىرىلعاندار كۇنى» وتكىزىلدى.
وتان الدىنداعى بورىشىن وتەۋگە ماڭعىستاۋ وبلىسىنداعى اسكەري بولىمدە تەڭىز جاياۋ اسكەرى ساپىندا وتان الدىنداعى بورىشىن وتەيتىن ساربازدار ءۇشىن «اسكەرگە شاقىرۋشىلار كۇنى»اياسىندا قۇرمەت كورسەتىلىپ, مەرەكەلىك كونتسەرت ءوتتى. ونداعى ماقسات – جاستاردىڭ وتانسۇيگىشتىك قاسيەتىن وياتۋ, اسكەري ومىرمەن تانىستىرۋ.
بيىلعى اكتسيانىڭ ەرەكشەلىگى – مۇندا وتان الدىنداعى بورىشىن وتەۋشىلەر عانا ەمەس, شاراعا وسكەمەن قالاسى جالپى ءبىلىم بەرەتىن مەكتەپتەرىنىڭ 10-11 سىنىپتار وقۋشىلارى, جوعارى وقۋ ورىندارىنىڭ ستۋدەنتتەرى جانە اسكەري-تەحنيكالىق كاسىپتىك كوللەدج ستۋدەنتەرى, قر اسكەري قىزمەت ارداگەرلەرى, سوعىس ارداگەرلەرى, شىعىس قازاقستان وبلىسىنىڭ قورعانىس ىستەرى جونىندەگى دەپارتامەنتىنىڭ وكىلدەرى, ساربازداردىڭ اتا-انالارى قاتىستى.
ايتا كەتەيىك جاس ساربازداردى ارنايى كوميسسيا پسيحيلوگيالىق, مەديتسينالىق تەكسەرىستەن وتكىزگەننەن كەيىن, ولار اسكەر قاتارىنا الىنىپ وتىر.
«بۇگىن وتان الدىنداعى بورىشىن وتەۋگە كەلگەن جىگىتتەردى ارنايى كوميسسيا تەكسەرەدى. سونىڭ ناتيجەسىنە قاراي ولار اسكەرگە جىبەرىلەدى. بارلىعى 700-گە جۋىق ازاماتتى اسكەر قاتارىنا شاقىرۋ جوسپارلانعان. بۇگىنگى كۇننىڭ وزىندە 5 كوماندا شاقىرىلدى. جانە 10-ساۋىرگە دەيىن اتتاناتىن 2 كوماندا بار. ولاردىڭ بارلىعى پسيحولوگيالىق, كاسىبي جانە مەديتسينالىق تەكسەرىستەن وتكەن», دەدى شقو اسكەري ىستەر دەپارتامەنتىنىڭ باستىعى قايىربەك قايىرحانوۆ.
سونىمەن قاتار ماڭعىستاۋ وبلىسىنداعى اقتاۋ قالاسىنداعى №22744 اسكەري بولىمدە تەڭىز جاياۋ اسكەرى ساپىندا وتان الدىنداعى بورىشىن وتەيتىن ساربازدارعا شقو ارداگەرلەر كەڭەسىنىڭ توراعاسى ايتقازى شەرۋباەۆ جاستاردىڭ اسكەري قىزمەتتەگى العاشقى قادامدارىمەن قۇتتىقتاپ, اق باتاسىن بەردى, تىلەگىن ءبىلدىردى.
«وتان الدىنداعى بورىشىن وتەۋگە اتتانعالى وتىرعان جىگىتتەر انتىنا ادال بولىپ, ءبىر جىلدان سوڭ وتباسىنا امان-ەسەن ورالۋىنا تىلەكتەسپىن», دەدى ايتقازى شەرۋباەۆ.
بۇگىنگى شارادا پاتريوتتتىق اندەر شىرقالىپ, اسكەرگە شاقىرىلعاندارعا ەستەلىك سىيلىقتار تابىس ەتىلدى.
پرەزيدەنت قاسىم-جومارت توقاەۆ ايبىندى اسكەر - قازاق ەلىنىڭ قالقانى دەي كەلە «بۇگىندە اسكەرىمىز تاۋەلسىز قازاقستاننىڭ بەرىك قالقانى رەتىندە جاۋىنگەرلىك شەبەرلىك پەن اسقاق رۋحتىڭ وزىق ۇلگىسىن كورسەتىپ كەلەدى», دەپ ايتقانى ەل ەسىندە.