جىل باسىندا «استانا» ۆەلوكومانداسىنىڭ جەيدەسىن كيگەن ۇلىبريتانيانىڭ ايگىلى ۆەلوشاباندوزى, كوپتەگەن ءىرى حالىقارالىق جارىستىڭ جەڭىمپازى مارك كاۆەنديش جاڭا كلۋبتاعى ەكىنشى جەڭىسىنە قول جەتكىزدى.
بەلگيانىڭ فلاندريا ايماعىندا وتكەن 111 جىلدىق تاريحى بار بىركۇندىك «Scheldeprijs» باسەكەسىندە مارك كاۆەنديش مارە سىزىعىن ءۇشىنشى بولىپ كەستى. 205,3 شاقىرىمعا جالعاسقان جارىس جولىن «استانا» وكىلى 4 ساعات 25 مينۋت 38 سەكۋند ىشىندە ءجۇرىپ ءوتتى. ال باس جۇلدە بەلگيالىق دجاسپەر فيليپپسەنگە (ProTeam Alpecin – Deceuninck) بۇيىرسا, ەكىنشى ورىندى اۋستراليالىق سەم ۋەلسفورد (DSM) يلەنەدى.
مارك كاۆەنديش بۇعان دەيىن «Scheldeprijs» جارىسىندا ءۇش مارتە (2007, 2008 جانە 2011) جەڭىمپاز اتانىپ, ءتورت مارتە جۇلدەگەرلەر قاتارىنان كورىنگەن. سونداي-اق ول وسى دودانىڭ 2021 جىلعى باسەكەسىندە دە ءۇشىنشى ورىنعا تابان تىرەگەن ەدى.