قازاقستاندا قىزىل كىتاپقا ەنگەن قىزعالداقتار بار. ولاردى جۇلۋعا قاتاڭ تىيىم سالىنعان, دەپ حابارلايدى Egemen.kz.
ەلىمىزدە قىزىل كىتاپقا ەنگەن قىزعالداقتاردىڭ تۇرلەرى تۇركىستان وبلىسى مەن اتالعان ءوڭىردىڭ وڭتۇستىك ايماعىندا, اقسۋ-جاباعىلى مەن قاراتاۋ قورىعىندا, بەرقارا باۋىندا كەزدەسەدى. ولار مەملەكەتتىك قورعاۋعا الىنىپ, قىزىل كىتاپقا ەنگىزىلگەن.
«جويىلىپ كەتۋ قاۋىپى بار قىزعالداق تۇرلەرىن جۇلعان جاعدايدا قر قىلمىستىق كودەكستىڭ 339-بابىمەن ءىس قوزعالىپ, 3000 اەك (10 350 000 تگ) دەيىن ايىپپۇل سالىنادى. سونداي-اق بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان بەس جىلعا دەيىن ايىرىلادى. سوندىقتان قىزعالداقتاردى جۇلماڭىزدار. كەرىسىنشە ونى برەندكە اينالدىرۋىمىز كەرەك. بۇل وسىمدىك ءبىزدىڭ قاسيەتتى دالامىزدىڭ بايلىعى مەن جەرىمىزدىڭ ەرەكشەلىگى», دەيدى اقسۋ-جاباعىلى تابيعي قورىعىنىڭ عىلىمي قىزمەتكەرى سماتۋللا دجۋمانوۆ.