تارازدا 2005 جىلى تۋعان جاس فۋتبولشىلار اراسىندا «ارمان» رەسپۋبليكالىق بالالار مەن جاسوسپىرىمدەر ءتۋرنيرى اياقتالدى.
التىن مەدال ءۇشىن وتكەن كەزدەسۋدە «اقتوبە» مەن «ورداباسى» جاستار كوماندالارى كەزدەستى. نەگىزگى ۋاقىت 1:1 ەسەبىمەن تەڭ اياقتالعان سوڭ, ماتچ جەڭىمپازى پەنالتي سەرياسىندا انىقتالدى. بۇل سىندا شىمكەنتتىك جاستاردىڭ باعى جانعان بولاتىن, الايدا ءتۋرنيردىڭ تورەشىلىك-ساراپشىلىق كوميسسياسى پەنالتي سەرياسى بارىسىندا تورەشىلەر تاراپىنان قاتەلىك بولعانىن ايتىپ, ەكى كوماندانى جەڭىمپاز دەپ تاپتى.
وسىعان بايلانىستى قازاقستان فۋتبول فەدەراتسياسى «ارمان» ءتۋرنيرىنىڭ ەكى ءفيناليسىن دە جەڭىمپاز دەپ تانۋ تۋرالى شەشىم قابىلدادى. ءسويتىپ, «ورداباسىمەن» بىرگە «اقتوبە» كومانداسىنىڭ فۋتبولشىلارى دا كۋبوك, التىن مەدال جانە ديپلومدارمەن ماراپاتتالدى.