ۇلتتىق مۋزەيدە «يتاليالىق رەنەسسانس – ماڭگىلىك سۇلۋلىق» تسيفرلىق يممەرسيالىق كورمەسى اشىلدى. ءىس-شارا يتاليا مەن قازاقستان اراسىنداعى مادەنيەت سالاسىنداعى ىنتىماقتاستىق شەڭبەرىندە يتاليالىق قايتا ورلەۋ ءداۋىرىنىڭ سۋرەتشىلەرىنە ارنالعان. يتاليا ەلشىلىگى جانە ENI Group كومپانياسىمەن بىرلەسىپ ۇيىمداستىرىلعان كورمە تسيفرلى بەينەتۇسىرىلىم تۇرىندە ءوتتى.
كورمە كەلۋشىلەردى يتاليالىق قايتا ورلەۋدىڭ سۇلۋلىعىمەن سۋسىنداتىپ, وتكەننىڭ جاۋھارلارىن كورسەتۋدى ماقسات ەتەدى. وندا جىلجىمالى كارتينالار, كوركەم تاڭدالعان جارىقتاندىرۋ, ۇيلەسىمدى مۋزىكالىق سۇيەمەلدەۋ جانە كارتينالاردىڭ بىرنەشە ەكراندا ءبىر ۋاقىتتا بەينەلەنۋى سياقتى كوپتەگەن ءتۇرلى ينتەراكتيۆتى اسەر قولدانىلدى.
Scripta Manent كومپانياسىنىڭ باس ديرەكتورى دجوردجيو ارمارولي: «مۇندا يتاليالىق رەنەسسانس ارقايسىمىزدا بۇرىن-سوڭدى بولماعان سۇلۋلىقتى, الەمدى قۇتقاراتىن سۇلۋلىقتى وياتۋ ءۇشىن ۇسىنىلعان», دەيدى.
«كورمە ءبىزدى زاماناۋي تەحنولوگيانىڭ ارقاسىندا وتكەنگە ساياحات جاساۋعا مۇمكىندىك بەرەدى. ناعىز ونەردە ماڭگىلىك نارسە بار. ەموتسيالار ونىڭ بەرىلۋى مەن باستان وتكىزۋىنىڭ وزگەرۋىنە قاراماستان ءاردايىم ونەردىڭ ماڭىزدى ەلەمەنتى بولدى. ءبىز تەحنولوگيانىڭ بەرگەن مۇمكىندىگىن پايدالاندىق. سول ارقىلى قازاقستاندىق دوستارىمىزدىڭ كوبى يممەرسيۆتى ساياحات نۇسقاسىندا قايتا ورلەۋ ءداۋىرىنىڭ سۇلۋلىعىنا ءتانتى بولىپ, ولاردى جەكە كورۋ ءۇشىن ەلىمىزگە بارۋدى جوسپارلايدى دەگەن ۇمىتتەمىز», دەپ اتاپ ءوتتى ەلشى ماركو البەرتي.
ءيا, يتاليا – ءار كەز سۋرەتشىلەرىمەن ايگىلى بولعان ەل. يتاليالىق اۆتورلاردىڭ شىعارماشىلىعى, يدەيالارى بۇگىندە الەمدىك ونەر مەن مادەنيەتتىڭ نەگىزى بولىپ سانالاتىن كلاسسيكا دەۋگە بولادى. جەتىلدىرىلگەن يتاليالىق تەحنولوگيالار كەلۋشىلەرگە رەنەسسانستىڭ ءتورت شەبەرى: لەوناردو, رافاەل, بوتتيچەللي جانە ميكەلاندجەلو شىعارمالارىنىڭ ماڭگىلىك سۇلۋلىعىنا قىزىقتى ساياحات جاساۋعا مۇمكىندىك بەردى.
بۇل باستاما يتاليا ەلشىلىگىنىڭ 2023 جىلعا ارنالعان مادەني ناسيحاتتاۋ باعدارلاماسىنىڭ ءبىر بولىگى سانالادى. كورمە 28 ساۋىرگە دەيىن جالعاسادى.