بايقاۋعا ۇرمەلى اسپاپتار, فورتەپيانو, فورتەپيانو دۋەتى, ىشەكتى اسپاپتاردا ويناي بىلەتىن, ءاندى ناقىشىنا كەلتىرىپ ورىندايتىن جاس دارىندار قاتىسقان, دەپ حابارلايدى Egemen.kz «Otandastar Qory» تەلەگرام كانالىنا سىلتەمە جاساپ.
«جىل سايىن مىڭداعان دارىندى جاستار ورىنداۋشىلىق شەبەرلىكتەرىن كورسەتۋ ءۇشىن بايقاۋعا قاتىسادى. سونداي-اق ەرەكشە دارىن يەلەرىن مۋزىكالىق شەبەرلىككە دايىندايتىن مۇعالىمدەردىڭ دە تاجىريبەسىنە باعا بەرىلەدى», دەپ حابارلادى ۇلتتىق مۋزىكا مۇعالىمدەرى قاۋىمداستىعىنىڭ وكىلدەرى.ءوتىنىش بەرۋ پروتسەسى ادەليناعا قيىن بولعان كورىنەدى. ول وتكەن جىلدىڭ كۇزىندە ميننەسوتا شتاتىنىڭ بايقاۋىنا ءتورت جازبادان سوڭ قابىلدانعان. سول جەردەن ول ءبىرىنشى ورىنعا يە بولعان ديۆيزيالىق راۋندقا شىقتى. ادەلينا ناۋرىز ايىندا ۇلتتىق جارىستارعا قاتىساتىن ەلدىڭ تۇكپىر-تۇكپىرىنەن كەلگەن التى ديۆيزيا جەڭىمپازدارىنىڭ ءبىرى اتاندى.SSM ۆوكالدى ورىنداۋ باعدارلاماسىنىڭ جەتەكشىسى پيتەر شلەيف جاس دارىن يەسىن جوعارى باعالادى.«ادەلينا بىزگە باي تاجىريبەمەن كەلدى, سودان كەيىن ول تاجىريبەسىن ودان دا ارتتىردى. ونىڭ ەرەكشە جۇمىس ەتيكاسى بار, ول وتە كوپ جاتتىعادى. الدا ونى جارقىن بولاشاق كۇتىپ تۇر. ونىمەن جۇمىس ىستەۋ مەن ءۇشىن قۋانىش», دەدى شلەيف.ايتا كەتسەك, بۇل - ادەلينانىڭ ءان بايقاۋىنداعى ەكىنشى ۇلكەن جەڭىسى.
ەستەرىڭىزگە سالا كەتسەك, وتكەن جىلدىڭ كۇزىندە ءانشى ۇلتتىق ءان مۇعالىمدەرى قاۋىمداستىعىنىڭ ۆوكالدىق بايقاۋىندا قاتىسۋشىلاردان ايرىقشا ءتۇسىپ, جەڭىسكە جەتكەن بولاتىن. ول اتالمىش ءىس-شارادا ەڭ العاش «Sabre» اتاعىنا يە بولعان ەدى.