ەل تۇرعىندارى اراسىندا ەڭ تانىمال نەسيە ونىمدەرىنىڭ ءبىرى – كەپىلسىز جانە قاراجاتتى پايدالانۋ ماقساتىنا شەكتەۋسىز تۇتىنۋشىلىق نەسيەلەر. كەز كەلگەن ماقساتقا كەپىلسىز تۇتىنۋشىلىق نەسيەنى قازىرگى ۋاقىتتا ەلدەگى 21 ەكىنشى دەڭگەيلى بانكتىڭ (ەدب) 12-ءسى ۇسىنادى.
سەگمەنتتەگى جىلدىق ءتيىمدى سىياقى مولشەرلەمە (جتسم) ەڭ تومەنگى مولشەرلەمەسىن Bereke Bank ۇسىنادى: 8,38%-دان باستاپ. جتسم-ءى تارتىمدى بانكتەردىڭ ىشىندە ەكىنشى ورىندا – «ەۋرازيالىق بانك» (12,9%-دان باستاپ) جانە «تسەنتركرەديت بانكى» (14%-دان باستاپ). بۇل رەتتە سەگمەنتتەگى ورتاشا جتسم الدىڭعى ۇشتىكتىڭ كورسەتكىشتەرىنەن ايتارلىقتاي جوعارى: 23,66%-دان باستاپ.
كەپىلسىز نەسيەلەر
مينيمالدى
ماكسيمالدى
ورتاشا
تانىمال
ءتيىمدى مولشەرلەمە (%)
8,38%
41,20%
23,66%
-
مينيمالدى مەرزىم (اي)
3
12
6
6
ماكسيمالدى مەرزىم (اي)
78
84
64
60
مينيمالدى سوما
(مىڭ تەڭگە)
100
200
92
150
ماكسيمالدى سوما
(مىڭ تەڭگە)
1 000
10 000
7 000
7 000
ەڭ كوپ الىناتىن نەسيە مەرزىمى – 60 اي. مۇنداي مەرزىم سەگمەنتتەگى 12 ەدب-ءنىڭ 8-ىندە تىركەلگەن. سونىڭ ىشىندە Bereke Bank پەن «تسەنتركرەديت بانكى» بار. «ەۋرازيالىق بانك» نەسيەنى 72 ايعا دەيىن ۇسىنسا, Bank RBK جانە بانك ۆتب-نىڭ مەرزىمى 84 ايعا دەيىن سوزىلادى.
بۇل رەتتە Bereke Bank, Jusan Bank جانە Altyn Bank-تەگى ەڭ جوعارعى نەسيە سوماسى – 8 ملن تەڭگە. Bank RBK مەن Home Credit Bank بارلىق تالاپقا ساي كەلەتىن كليەنتتەرىنە 10 ملن تەڭگەگە دەيىن قارىز بەرە الادى.
جىل باسىندا ەلدەگى تۇتىنۋ نەسيەلەرىنىڭ جالپى كولەمى 7,7 ترلن تەڭگەگە جەتتى, بۇل ءبىر جىل بۇرىنعى كورسەتكىشتەن 25,2%-عا ارتىق. ايتارلىقتاي وسىمگە قاراماستان, سەگمەنتتەگى ءوسۋ قارقىنى تومەندەدى: مىسالى, 2021 جىلى تۇتىنۋشىلىق نەسيە پورتفەلى 40% بولسا, 2020 جىلى 32,3%-عا وسكەن ەدى.