تەننيستەن قازاقستاننىڭ ەكىنشى, الەمنىڭ 47-راكەتكاسى يۋليا پۋتينتسەۆا اقش-تىڭ چارلستون قالاسىندا ءوتىپ جاتقان توپىراق توسەنىشتەگى «WTA 500» ءتۋرنيرىن ءساتتى باستادى.
جەرلەسىمىز العاشقى اينالىمدا الەمنىڭ بۇرىنعى ءۇشىنشى راكەتكاسى ۋكراينالىق ەلينا سۆيتولينامەن شەبەرلىك بايقاستى. 2019 جىلى اقش اشىق بىرىنشىلىگى مەن ۋيمبلدون دوداسىندا جارتىلاي فينالعا دەيىن جەتىپ, توكيو وليمپياداسىندا قولا جۇلدەگەر اتانعان 28 جاستاعى تەننيسشى ءسابيلى بولۋىنا بايلانىستى بىرجىلدىق ۇزىلىستەن كەيىنگى العاشقى ويىنىن وتكىزدى. ءۇش ساعاتقا جۋىق جالعاسقان ماتچتا يۋليا 6:7 (3:7), 6:2, 6:4 ەسەبىمەن باسىم ءتۇستى.
جەرلەسىمىز ەكىنشى اينالىمدا الەمنىڭ 17-ءشى, وسى جارىستىڭ 7-راكەتكاسى رەسەيلىك ەكاتەرينا الەكساندروۆامەن كەزدەسەدى.